NBA. ფინალი. V მატჩი: ლებრონი თუ კარი?

- 29-ედ NBA-ის ფინალური სერიების ისტორიაში დაფიქსირდა ანგარიში - 2:2. წინა 28 შემთხვევიდან 20-ჯერ ჩემპიონი ხდებოდა ის გუნდი, რომელიც იგებდა მეხუთე მატჩს.

- "გოლდენ სტეიტმა" თავიდან აიცილა სეზონში პირველად ზედიზედ სამი მატჩის წაგება. "უორიორზმა" ოთხჯერ იწვნია ზედიზედ ორი მარცხი რეგულარულ ჩემპიონატში და ორჯერ - პლეი ოფში ("მემფისთან" მეოთხედფინალის მეორე და მესამე მატჩები, "კლივლენდთან" ფინალის მეორე და მესამე შეხვედრები).

- ანდრე იგუოდალა წელს პირველად გამოჩნდა "გოლდენ სტეიტის" სასტარტო შემადგენლობაში და სეზონში შედეგიანობის პირადი რეკორდი დაამყარა. მიმდინარე პლეი ოფის წინა 18 მატჩს კალიფორნიელები ერთი და იგივე შემადგენლობით იწყებდნენ: კარი, ტომპსონი, გრინი, ბარნსი და ბოგუტი. საინტერესოა, რომ წლევანდელ სეზონამდე იგუოდალა 10-წლიანი კარიერის განმავლობაში უკლებლივ ყველა მატჩს სასტარტო შემადგენლობაში იწყებდა (758 მატჩი რეგულარულში და 48 - პლეი ოფში).

- მეოთხე მატჩის მსვლელობისას "გოლდენ სტეიტის" უპირატესობა 23 ქულას აღწევდა - ეს ყველაზე დიდი სხვაობაა ფინალურ სერიაში.
- 82 ქულა - უარესი შედეგიანობაა "კლივლენდისთვის" 2015 წლის პლეი ოფში.

კლივლენდი-გ. სტეიტი 82:103
24:31, 18:23, 28:22, 12:27
კ: მოზგოვი (28+10 მოხსნა), ჯეიმსი (20+12 მოხსნა+8 პასი), ტომპსონი (12+13 მოხსნა), დელავედოვა (10).
გ-ს: იგუოდალა (22+8 მოხსნა), კარი (22+6 პასი), გრინი (17+7 მოხსნა+6 პასი), ბარნსი (14+8 მოხსნა).
სერია: 2-2

ყოველდღიური სპორტული გაზეთი "ლელო"