NBA. რეგულარული სეზონი: ჯერ ჭორები

სულ უფრო ცოტა დრო რჩება ეროვნულ საკალათბურთო ასოციაციაში ტრეიდების დედლაინამდე და ამერიკულ პრესაში უამრავი ჭორი ჩნდება გუნდებს შორის სავარაუდო გაცვლებზე.

- "კლიპერსის" ხელმძღვანელობა დაუკავშირდა "დენვერის" წარმომადგენლებს და შესთავაზა ბლეიკ გრიფინისა და ლენს სტივენსონის გაცვლა კენეტ ფარიდში, დანილო გალინარიში, ნიკოლა იოკიჩსა და უილ ბარტონში.

- თუ კლივლენდი" ვერ შეძლებს ტიმოფეი მოზგოვის გაცვლას, მაშინ რუსთან კონტრაქტს აღარ გააგრძელებს. ასევე გაცვლის ერთ-ერთი კანდიდატია მცველი იმან შამპერტი. "კავალიერზის" ინტერესის სფეროში შემდეგი კალათბურთელები მოექცნენ: კაილ კორვერი ("ატლანტა"), ბენ მაკლემორი, კოსტას კუფოსი (ორივე - "საკრამენტო").

- "ჰიუსტონის"ცენტრს დუაიტ ჰოვარდს "ატლანტაში" გადასვლა სურს. გარდა ამისა, NY Daily News წერს, რომ "მაიამი" და "ჰიუსტონი" მოლაპარაკებებს აწარმოებენ ჰოვარდისა და ჰასან უაიტსაიდის გაცვლის შესახებ.

- "მაიამის" ხელმძღვანელობა დაინტერესებულია მძიმე ფორვარდით რაიან ანდერსონით. ამ კალათბურთელის გაცვლას აპირებს "ნიუ ორლეანი".

- "დენვერი" მზად არის დედლაინის წინ გაცვალოს ჯეი ჯეი ჰიქსონი და კენეტ ფარიდი.

- "ბრუკლინს" სურს ცენტრის ბრუკ ლოპესის ან მძიმე ფორვარდის ტადეუშ იანგის გაცვლა. ერთ-ერთი ვარიანტია იანგის გადასვლა "ტორონტოში" ფორვარდ პატრიკ პატერსონისა და გამთამაშებლის დელონ რაიტის ნაცვლად.

- "მინესოტა" აპირებს რიკი რუბიოს გაცვლას. "ტიმბერვულვზს" უნდა სასტარტოში გაუნთავისუფლოს ადგილი ზაკ ლავინს. "მგლების" ხელმძღვანელობას "მილუოკის" ცენტრის მაილზ პლამლის ხელში ჩაგდება სურთ.

- "ნიუ იორკის" ხელმძღვანელობა განიხილავს შესაფერის ვარიანტს ესპანელი გამთამაშებლის ხოსე კალდერონის ტრეიდისთვის. "ნიქსს" იმედი აქვს, რომ "ატლანტას" გამთამაშებელს ჯეფ ტიგს ჩაიგდებს ხელთ.

- "ორლანდოს" შეფობა მზად არის გაუშვას მცველი ვიქტორ ოლადიპო და ფორვარდი ტობიას ჰარისი. ორლანდოელთა ინტერესიც ჯეფ ტიგი გახლავთ.

ყოველდღიური სპორტული გაზეთი "ლელო"