NBA.. რეგულარული ჩემპიონატი: ლეგენდების გვერდით

გუშინდელი სათამაშო დღის მთავარმა მატჩმა არ გაამართლა, რადგან "სან ანტონიო სპურსის" სამწვრთნელო შტაბმა კავაი ლეონარდის, ლამარკუს ოლდრიჯის, ტიმ დანკანის, მანუ ჯინობილისა და ტონი პარკერის დასვენება გადაწყვიტა სტუმრად "ოკლაჰომა-სიტის" წინააღმდეგ შეხვედრაში.

ასეთი დანაკლისის ფონზე, სტუმრები მხოლოდ პირველ ტაიმში გამოიყურებოდნენ ღირსეულად, ხოლო გადამწყვეტი გახდა მესამე მეოთხედი, რომლის დროსაც, "თანდერმა" 35:19 გაქცევა შეძლო და შეხვედრა 19-ქულიანი უპირატესობით დაასრულა.

ყველაზი დიდი წვლილი მოგებაში კევინ დურანტისა და რასელ უესტბრუკის დუეტმა შეიტანა, რომელმაც 60 ქულას მოუყარა თავი. დურანტის ანგარიშზე 31 ქულა იყო, რითაც მან 58-მდე აიყვანა მატჩების სერია, რომელშიც მინიმუმ 20 ქულას აგროვებს. დურანტი გახდა მხოლოდ მესამე მოთამაშე ბოლო 30 წელიწადში, ვინც ასეთი რამ შეძლო. ამ 30 წლის განმავლობაში, ანალოგიური სერიები ჰქონდათ: კობი ბრაიანტს (ზედიზედ 60 20-ქულიანი მატჩი 2005-06 წლებში) და ორჯერ მაიკლ ჯორდანს (69 - 1990-91 და 72 - 1987-88).

"ეს იყო ჩვენი მოგებათა სერიის გაგრძელებისა და თვითდამაჯერებლობის განმტკიცების შანსი. ჩვენ არ გვეხება ის, რომ "სან ანტონიომ" საკუთარი ლიდერების გარეშე თამაში გადაწყვიტა. უბრალოდ, ჩვენს სტილში ვმოქმედებდით და საჭირო შედეგს მივაღწიეთ", - განაცხადა მატჩის შემდეგ დურანტმა.

* * *
"კლივლენდ კავალიერზის" ლიდერმა ლებრონ ჯეიმსმა 27 ქულა, 11 მოხსნა და 10 შედეგიანი პასი დააგროვა "ნიუ იორკის" წინააღმდეგ, რითაც კარიერაში 42-ე სამმაგი დუბლი შეასრულა. ამით ლებრონმა გაუსწრო ფეტ ლევერს და ბოლო 30 წლის განმავლობაში მესამე ადგილზე გადავიდა NBA-ში სამმაგი დუბლების რაოდენობით.

ამ პერიოდში უფრო მეტი სამმაგი დუბლი ჰქონდათ მხოლოდ ჯეისონ კიდს (107) და მეჯიქ ჯონსონს (138). ხოლო მთლიანად ისტორიაში, ჯეიმსს ამ მაჩვენებლით ასევე უსწრებენ: ლარი ბერდი (59), უილტ ჩემბერლენი (78) და ოსკარ რობერტსონი (181).

გუშინდელი სათამაშო დღიდან ასევე აღსანიშნავია "ტორონტოს" მოგება "ნიუ ორლეანთან". ეს იყო კანადელთა 49-ე მოგება მიმდინარე სეზონში, რითაც საკლუბო რეკორდი გაიმეორეს. საინტერესოა, რომ "რეპტორზი" ერთადერთი გუნდია დღევანდელ NBA-ში, რომელსაც სეზონში მინიმუმ 50 მატჩი არასოდეს მოუგია. ამ ზღვარის მისაღწევად მას კიდევ 10 მატჩი რჩება ამ რეგულარულის ბოლომდე.

"ტორონტო" 1995 წელს არის დაარსებული და 21-ე სეზონს ატარებს მსოფლიოს უძლიერეს ლიგაში.

"ნიუ იორკ ნიქსის" ფორვარდი კრისტაპს პორზინგისი გახდა პირველი მოთამაშე ლიგის ისტორიაში, ვინც სადებიუტო სეზონში დააგროვა 1000-ზე მეტი ქულა, 500-ზე მეტი მოხსნა და 100-ზე მეტი დაფარება, აგრეთვე ჩააგდო მინიმუმ 75 სამქულიანი.

71 მატჩში 20 წლის ლატვიელის ანგარიშზეა - 1012 ქულა, 516 მოხსნა, 131 დაფარება და 79 ზუსტი სამქულიანი.

ბრუკლინი-ინდიანა 120:110
26:29, 34:37, 25:27, 35:17
ბ: ლოპესი (23), ბოგდანოვიჩი (18), კარასიოვი (17), ლარკინი (14), კილპატრიკი (14), სლოუნი (11).
ი: ჯორჯი (27), მაინმი (18), ჯორჯ ჰილი (17), მაილზი (12), ჯორდან ჰილი (12).

ორლანდო-ჩიკაგო 111:89
36:22, 32:28, 21:21, 22:18
ო: დედმონი (18+13 მოხსნა), პეიტონი (15+10 პასი), სმიტი (14), ნიკოლსონი (14), ფურნიე (12).
ჩ: გიბსონი (16), ბატლერი (12), მაკდერმოტი (12), დანლივი (10).

ნიუ ორლეანი-ტორონტო 91:115
15:20, 21:28, 25:37, 30:30
ნ-ო: ჯი (18), ბებიტი (14), ფრეიზერი (12), ჰემილტონი (11), დაგლასი (11).
ტ: დეროზანი (23), პატერსონი (16), პაუელი (15), სკოლა (12), ლოური (11+8 პასი), ჯონსონი (11), ვალანჩუნასი (10+4 დაფარება).

დეტროიტი-ატლანტა 95:112
15:27, 27:29, 32:27, 21:29
დ: ჰარისი (21+10 მოხსნა), დრამონდი (19+17 მოხსნა), ბეინსი (15), მორისი (13), ჯექსონი (11).
ა: მილსეპი (23+4 დაფარება), ბეიზმორი (17), ჰორფორდი (13), ტიგი (12+12 პასი), კორვერი (12), შრიოდერი (11+7 პასი), ჰემფრიზი (11), სკოტი (10).

ნიუ იორკი-კლივლენდი 93:107
15:32, 17:24, 40:33, 21:18
ნ-ი: ენტონი (28), პორზინგისი (19), უილიამსი (11).
კ: ლავი (28+12 მოხსნა), ჯეიმსი (27+11 მოხსნა+11 პასი), სმიტი (13), დელავედოვა (10).

მინესოტა-იუტა 84:93
10:18, 24:17, 25:25, 25:33
მ: რუბიო (23), თაუნსი (14+11 მოხსნა), უიგინსი (13).
ი: ფეივორსი (19), ჰეივორდი (18), ლაილსი (15), ჰუდი (15), გობერი (5+11 მოხსნა+4 დაფარება).

ოკლაჰომა-სან ანტონიო 111:92
24:26, 24:18, 35:19, 28:29
ო: დურანტი (31+10 მოხსნა), უესტბრუკი (29+8 პასი), კანტერი (20+10 მოხსნა), იბაკა (15+4 დაფარება).
ს-ა: სიმონსი (17), უესტი (17), სტეპანოვიჩი (13), მილერი (11), მილსი (10), დიაო (10).

მილუოკი-შარლოტი 91:115
17:29, 21:26, 26:35, 27:25
მ: ჰენსონი (19), პარკერი (15), მიდლტონი (13), მონრო (12), ენისი (9+12 პასი).
შ: ბატუმი (25+8 პასი), მარვ. უილიამსი (21), უოკერი (18), ჯეფერსონი (15), ლი (12).

ფინიქსი-ბოსტონი 99:102
22:35, 19:23, 34:23, 24:21
ფ: ბუკერი (21), ნაითი (19), ტელეტოვიჩი (17), ლენი (10), ტაკერი (9+10 მოხსნა).
ბ: ტომასი (28), ტერნერი (17+11 მოხსნა), ოლინიკი (16), ბრედლი (15).

პორტლენდი-ფილადელფია 108:105
31:27, 26:22, 29:25, 22:31
პ: მაკალუმი (25+5 ჩაჭრა), ამინუ (20), ლილარდი (16), ჰარკლესი (16), ჰენდერსონი (11), პლამლი (8+10 მოხსნა), დევისი (6+13 მოხსნა).
ფ: სმიტი (17+14 მოხსნა+9 პასი), ტომპსონი (17), კოვინგტონი (17+11 მოხსნა), გრანტი (13+4 დაფარება), სტაუსკასი (13), ლენდრი (12).

ყოველდღიური სპორტული გაზეთი "ლელო"