საქართველოს 18 წლამდე გოგონათა ნაკრები მალტასთან დამარცხდა. ანდორაში მიმდინარე ევროპის ჩემპიონატის B დივიზიონის ნახევარფინალში ქართველებმა ვერ მოახერხეს ბოლომდე მობილიზება და მალტელებთან შეხვედრა 5 ქულით – 48:53 წააგეს. ნინო ყიფშიძისა და ზვიად დიდბარიძის გაწვრთნილი გუნდი პირველი პერიოდის შემდეგ 10 ქულით ჩამორჩა და მას შემდეგ ცდილობდა ვითარების გამოსწორებას, თუმცა ეს ვერ მოახერხა.საქართველოს ნაკრებში 10-10 ქულა სამმა კალათბურთელმა – ნინო გადელიამ, ქეთი დანელაშვილმა და თამარ პაპუაშვილმა დააგროვა. მარგი ქმედების კოეფიციენტით კი საუკეთესო ლია მიქიაშვილი გახლდათ, რომელმაც 6 ქულა და 13 მოხსნა დააგროვა.
მომზადებულია gbf.ge-ის მიხედვით.
