ფინეთთან გამარჯვებულმა საქართველოს ნაკრებმა თამაშის მეორე დღეს ნაწილობრივ დაისვენა. ილიას ზუროსმა გუნდი ერთხელ, 16:00 საათზე ავარჯიშა და ისე, რომ ძალიან არ დაუტვირთავს. თორნიკე შენგელიას და მერაბ ბოქოლიშვილს არ გამოუცვლიათ, თანაგუნდელების ვარჯიშს მათ სათადარიგოთა სკამიდან ადევნეს თვალი.საშიში არაფერია - თორნიკე შენგელია, ექიმის რეკომენდაციით, მწვრთნელებმა დაასვენეს, მერაბ ბოქოლიშვილმა კი ფინეთთან მატჩში საზარდული დაიჭიმა და ის თამაში ვერ ჩაამთავრა, თუმცა შვეიცარიასთან მატჩის განაცხადშია და სრული დატვირთვით ვერა, მაგრამ გარკვეული დროით შეძლებს საქართველოს ნაკრების დახმარებას.
სავარჯიშო ფორმაში, მოედანზე იყო, თუმცა უმეტესი დრო გაწელვებს
საქართველოს ნაკრებს რთული მეტოქე ჰყავს. შვეიცარიამ შაბათს შესუსტებული, თუმცა სერბეთის ნაკრები დაამარცხა, ილიას ზუროსმა კი ქართველ მოთამაშეებს შვეიცარიელებთან თბილისური მატჩი შეახსენა, რომელშიც ჩვენმა გუნდმა მეტოქე დიდი გაჭირვებით, დამატებით დროში დაამარცხა. ვარჯიშიდან სასტუმროში დაბრუნებული საქართველოს ნაკრების წევრები მწვრთნელების მიერ მომზადებულ შვეიცარიელთა თამაშების ვიდეოგანხილვას დაესწრნენ.
საქართველოს ნაკრებს თამაში დღეს, 30 ნოემბერს, დილის ვარჯიში აქვს დაგეგმილი, შეხვედრა კი თბილისის დროით 18:00 საათზე დაიწყება და მის პირდაპირ ტრანსლაციას, ტრადიციულად, "პირველი არხი" შემოგთავაზებთ.
GBF.GE
თორნიკე შენგელია: ჩემთვის მთავარი არა საკუთარი მონაგარი, არამედ გუნდის გამარჯვებაა
ილიას ზუროსი: მოხარული ვარ, რომ ახალგაზრდებმა კარგად ითამაშეს
