ოლიმპიადის საკვალიფიკაციო ეტაპზე საქართველოს ნაკრების მეტოქეები გაირკვა

შვეიცარიაში დღეს გამართულმა წილისყრამ 2024 წლის პარიზის ოლიმპიადის საკალათბურთო ტურნირის 4 საგზურისთვის მებრძოლი 24 ნაკრები ჯგუფებში გაანაწილა. გათამაშების ფორმატის თანახმად, 24 გუნდი 4 ქვეყანაში – საბერძნეთში, ესპანეთში, ლატვიასა და პუერტო-რიკოში განაწილდა. თითოეულ ქვეყანაში თავი 6-6 ნაკრებმა მოიყარა, რომლებიც თავის მხრივ, 2 ჯგუფში (თითოეულში 3 ნაკრები) განაწილდა. თითო ქვეყნის 6-გუნდიანი მინი-ტურნირის გამარჯვებული (ჯამში 4 ნაკრები) მიიღებს ოლიმპიადის საკალათბურთო ტურნირის საგზურს.

საქართველომ ოლიმპიადის საკვალიფიკაციო ტურნირში ასპარეზობის უფლება მსოფლიო ჩემპიონატზე ჯგუფიდან გასვლით მოიპოვა. საქართველო მოხვდა იმ 16 გუნდს შორის, რომლებმაც ოლიმპიადის საგზურის კვოტებით მიღების შემდეგ ყველაზე მაღალი ადგილი დაიკავეს. საქართველო მოხვდა ლატვიის დედაქალაქ რიგის ტურნირში, სადაც A ჯგუფში მეტოქეებად მასპინძელი ლატვია და ფილიპინები ეყოლება. B ჯგუფში მოხვდნენ ბრაზილია, კამერუნი და მონტენეგრო.

რიგა, ლატვია
A ჯგუფი – საქართველო, ფილიპინები, ლატვია
B ჯგუფი – ბრაზილია, კამერუნი, მონტენეგრო

გათამაშების ფორმატი ასეთია: ჯგუფებში გუნდები ერთმანეთს თითოჯერ შეხვდებიან. ანუ საქართველო ეთამაშება ლატვიასა და ფილიპინებს და თუ პირველ ან მეორე ადგილს დაიკავებს, ნახევარფინალში გავა, სადაც იმავე ქვეყანაში ჩატარებული მეორე B ჯგუფიდან გასულ ნაკრებს შეხვდება. ნახევარფინალში მოგებული გუნდები ერთმანეთს ფინალში შეხვდებიან და გამარჯვებული ოლიმპიადის საგზურს მიიღებს. შესაბამისად – თითო ქვეყანაში თითო საგზური გათამაშდება.

ოლიმპიადის საკვალიფიკაციოს 3 დანარჩენი ტურნირი შემდეგ ქვეყნებში, ამ შემადგენლობით ჩატარდება:

ვალენსია, ესპანეთი
A ჯგუფი – ლიბანი, ანგოლა, ესპანეთი
B ჯგუფი – ფინეთი, პოლონეთი, ბაჰრეინი

პირეოსი, საბერძნეთი

A ჯგუფი – სლოვენია, ახალი ზელანდია, ხორვატია
B ჯგუფი – ეგვიპტე, საბერძნეთი, დომინიკის რესპუბლიკა

A ჯგუფი – მექსიკა, კოტ დ’ივუარი, ლიეტუვა
B ჯგუფი – იტალია, პუერტო-რიკო, ბაჰრეინი