"უნიკახას" პირველი წაგება მიმდინარე სეზონში ესპანეთის უმაღლეს ლიგაში. გიორგი შერმადინის გუნდი სტუმრად "ფუენლაბრადას" შეხვდა და 8 ქულით - 69:77 დამარცხდა.
საქართველოს ნაკრების ცენტრი ამჯერად სასტარტო ხუთეულში არ ყოფილა და მოედანზე მხოლოდ 11:35 წუთი გაატარა, რა დროშიც 7 ქულა და 2 მოხსნა მოაგროვა. შერმადინმა 2-ვე ორქულიანი და 3-ვე საჯარიმო ჩააგდო, ბურთი ერთხელ დაკარგა, 2 პერსონალური ფოლი მიიღო, მის წინააღმდეგ კი 3-ჯერ დაჯარიმდნენ.
2 მოგებითა და 1 მარცხით "უნიკახა" მე-7 ადგილზეა. მომდევნო მატჩს 14 ოქტომბერს, შინ, "ბეტისთან" ჩაატარებს.
მომზადებულია gbf.ge-ს მიხედვით
![საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]](/pictures/image7/3ccfb825dab0133960c110a22eb40d4e.jpg "საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]")
