თორნიკე შენგელიას "ბასკონია" საკუთარ მოედანზე 85:96 დამარცხდა "რეალთან", სერიაში ანგარიში 1:3 გახდა და მადრიდელებმა ოქროს მედლები მოიპოვეს.
მატჩმა ვიტორიაში კვლავ უდიდესი ინტერესი გამოიწვია, თამაშს 15 512 მაყურებელი დაესწრო და პირველი მეოთხედი მასპინძლებმა 3 ქულით მოიგეს, მეორე პერიოდში კი სტუმრები დაეუფლნენ ინიციატივას და პირველი ტაიმი 38:42 დასრულდა. საბოლოოდ კი "სამეფო გუნდმა" მოახერხა გამარჯვების მოპოვება და ჩემპიონი გახდა.
თორნიკემ ჩინებულად უკაპიტნა თავის გუნდს, სახეში ტრავმა მიიღო, მაგრამ მაინც დაბრუნდა პარკეტზე და ბოლომდე იბრძოლა. მან 26:47 წუთში 16 ქულა ჩააგდო (3-დან 2 ორქულიანი, 9-დან 4 სამქულიანი), ერთხელ მოხსნა, ერთხელ ჩაჭრა, ერთხელ დაკარგა ბურთი, 4 შედეგიანი გადაცემა გააკეთა, 3 პერსონალური მიიღო და მისი მარგი ქმედების კოეფიციენტი 13 იყო.
ერთი სიტყვით, "ბასკონიამ" ღირსეული წინააღმდეგობა გაუწია ევროპული სეზონის საუკეთესო გუნდს და მისი ლიდერი შენგელია მალე საქართველოს ნაკრებს შეუერთდება.
00:49 20-06-2018
"ბასკონია" "რეალთან" ფინალურ სერიაში დამარცხდა, შენგელიამ ბოლო მატჩში 16 ქულა ჩააგდო [VIDEO]
AutoSharing Option
ასევე დაგაინტერესებთ
![შენგელიას 17 ქულა "პანათინაიკოსთან" "ვირტუსი" ფავორიტთან ბოლო წუთებზე დამარცხდა [VIDEO]](/pictures/image7/4c6d6a1f4963611f07c11dc3d4c1444f.jpg "შენგელიას 17 ქულა \"პანათინაიკოსთან\" \"ვირტუსი\" ფავორიტთან ბოლო წუთებზე დამარცხდა [VIDEO]")
107.00 k
150.00 k
სიახლეები
პოპულარული
თოკოს კი წარმატებები მინდა ვუსურვო მომავალში.