ლიგა ენდესას მე-8 ტურში ქართველების "გიპუსკოამ" საკუთარ მოედანზე 92:83 დაამარცხა "ბურგოსი".
ამ მატჩში ერთ-ერთი საუკეთესო იყო მასპინძელთა გუნდის კალათბურთელი ბექა ბურჯანაძე, რომელმაც ტრავმა ახლახან მოირჩინა.
ბექამ 27:19 წუთში 19 ქულა ჩააგდო (6-დან 4 ორქულიანი, 4-დან 2 სამქულიანი, 7-დან 5 საჯარიმო), 6-ჯერ მოხსნა ბურთი და მისი სარგებლიანობის კოეფიციენტი 20 იყო.
ბურჯანაძეზე უკეთესი მაჩვენებელი მხოლოდ მის თანაგუნდელ ალბერტო კორბაჩოს ჰქონდა - 25 ქულა და 24-იანი კოეფიციენტით მატჩის MVP გახდა.
"გიპუსკოას" მეორე ქართველმა ლეგიონერმა დუდა სანაძემ 8:57 წუთში 5 ქულა ჩააგდო (2-დან 1
ორქულიანი და 1-დან 1 სამქულიანი), ერთხელ მოხსნა ბურთი და 1 შედეგიანი გადაცემა გააკეთა.
"გიპუსკოა" 2 მოგებით უკანასკნელ ადგილზეა.
![alt](/pictures/image50/7eda686bea20ca294b278179e9a1b8b0.jpg "ბურჯანაძემ სასიამოვნოდ გაგვაოცა - "ბურგოსს" 19 ქულა ჩაუგდო!")
ბურჯანაძე დაბრუნდა, სანაძემ 5 ქულა ჩააგდო და "გიპუსკოამ" პირველად გაიმარჯვა
