ქართველი კალათბურთელი სასტარტო ხუთეულში გახლდათ და სტუმართა რიგებში ერთ-ერთი ყველაზე შედეგიანი იყო. თორნიკემ მოედანზე 27:38 წუთი გაატარა და 16 ქულა, 4 მოხსნა და 2 პასი მოაგროვა. შენგელიამ 10-დან 6 ორქულიანი და 6-დან 4 საჯარიმო ჩააგდო, ბურთი ერთხელ დაკარგა, არ დაჯარიმებულა, მის წინააღმდეგ კი თამაშის წესები 5-ჯერ დაარღვიეს.
ქართველი ლეგიონერის სარგებლიანობის კოეფიციენტმა 19 შეადგინა და ის ბასკონიელთა რიგებში მხოლოდ ბრაზილიელ მარსელინიო უერტასს (26) ჩამორჩა, რომელმაც 13 ქულა, 5 მოხსნა და 8 პასი მიითვალა. რაც შეეხება საქართველოს ნაკრების ნატურალიზებულ ამერიკელ კალათბურთელ ჯენინგს, მან 21:28 წუთში 4 ქულა (3-დან 2 ორქულიანი, 6-დან 0 სამქულიანი), 4 მოხსნა და 3 პასი მიითვალა.
"ბუდუჩნოსტის" გამარჯვება მასპინძელთა ზუსტმა შორეულმა სროლებმა განაპირობა. მათ 34-დან 21 სამქულიანი (61.8%) გამოიყენეს, ყველაზე მეტად კი საფრანგეთის ნაკრების წევრი ედვინ ჯეკსონი გამოირჩა, რომელმაც 9-დან 6 სამქულიანი ჩააგდო და 24 ქულას გამორჩა.
"ბასკონიას" შვიდ ტურში 2 მოგება შერჩა და სატურნირო ცხრილში მე-11 ადგილზეა, მომდევნო მატჩს კი 21 ნოემბერს, სტუმრად იტალიურ "მილანთან" გამართავს.
![alt](/pictures/image50/cee0e7f44305ab4d7a243ae5e58295a8.jpg "თორნიკე შენგელიამ 16 ქულა ჩააგდო, თუმცა მისი "ბასკონია" ისევ დამარცხდა [VIDEO]")
თორნიკე შენგელიას "ბასკონია" "ფენერბახჩესთან" დამარცხდა
![alt](/pictures/image50/27e77cd58eb83cdd9769331238bc658c.jpg "თორნიკე შენგელიამ 16 ქულა ჩააგდო, თუმცა მისი "ბასკონია" ისევ დამარცხდა [VIDEO]")
თორნიკე შენგელიამ "ვალენსიას" 14 ქულა ჩაუგდო
მომზადებულია Gbf.ge-ს მიხედვით
![შენგელიას 17 ქულა "პანათინაიკოსთან" "ვირტუსი" ფავორიტთან ბოლო წუთებზე დამარცხდა [VIDEO]](/pictures/image7/4c6d6a1f4963611f07c11dc3d4c1444f.jpg "შენგელიას 17 ქულა \"პანათინაიკოსთან\" \"ვირტუსი\" ფავორიტთან ბოლო წუთებზე დამარცხდა [VIDEO]")
