გიორგი ცინცაძისა და მიხეილ ბერიშვილის “ალ შამალი” ყატარის ჩემპიონატის ფინალშია. ქართველი ლეგიონერების გუნდმა ნახევარფინალური სერიის მეორე მატჩიც მოუგო მეტოქე “ყატარს” და ფინალში გავიდა. შეხვედრა საკმაოდ დაძაბული გამოდგა, რომელიც ალშამალელებმა 88:81 მოიგეს .ორივე ქართველი შედეგიანი იყო, თუმცა ორივეს ორმაგ დუბლამდე მცირედი დააკლდა. ცინცაძემ მოედანზე 39 წუთი გაატარა და 16 ქულა, 3 მოხსნა, 8 პასი და 1 ჩაჭრა მიითვალა. გიორგიმ 7-დან 2 ორქულიანი, 8-დან 3 სამქულიანი და 6-დან 3 საჯარიმო ჩააგდო, ბურთი 3-ჯერ დაკარგა, 3 პერსონალური ფოლი მიიღო, მის წინააღმდეგ კი 6-ჯერ
ბერიშვილმა 31 წუთი ითამაშა და მისი მონაგარი 19 ქულა, 9 მოხსნა (2 შეტევაში), 4 პასი და 1 ჩაჭრა იყო. მიშამ 5-დან 2 ორქულიანი და 6-დან 5 სამქულიანი გამოიყენა, ერთხელ დაუფარეს, ბურთი 3-ჯერ დაკარგა, ამდენივე პერსონალური ფოლი მიიღო, ხოლო მის წინააღმდეგ თამაშის წესები ერთხელ დაირღვა.
“ალ შამალი” ფინალში “ალ სადსა” და “ალ არაბის” შორის გამარჯვებულს შეხვდება.
მომზადებულია GBF.GE-ს მიხედვით
