გამოცემა Eurobasket.com-მა ქართველი კალათბურთელი თორნიკე შენგელია ევროპაში მოთამაშე 5 საუკეთესო კალათბურთელს შორის დაასახელა.
აი, რას წერს გამოცემა "ბასკონიას" ქართველ ფორვარდზე:
"2017-2018 წლების სეზონში თორნიკე საშუალოდ მოედანზე 25:29 წუთს ატარებდა და 13,7 ქულას, 6,1 მოხსნას და 2,2 გადაცემას აგროვებდა.
ამიტომ არაა გასაკვირი, რომ "ბასკონიამ" მას ახალი კონტრაქტი შესთავაზა, რომლის მიხედვითაც, შენგელია კლუბის ისტორიაში და ევროპაში ერთ-ერთი ყველაზე მაღალანაზღაურებადი კალათბურთელი გახდა.
ქართველი ფორვარდი ქულებს, ძირითადად, უხეში ძალის გამოყენებით აგროვებს, ბურთთან კი შესაშურ სისხარტეს ავლენს. ის მთელ მოედანზე დომინირებს, მრავალფეროვნად მოქმედებს და მოქნილობის
გამოყენებით იკვლევს გზას მეტოქის მცველებს შორის. შენგელია საკუთარ კვალს "ბასკონიას" თითქმის ყველა შეტევაში ტოვებს", - წერს გამოცემა.
აღსანიშნავია, რომ შენგელიას გარდა, ევროპაში მოთამაშე კალათბურთელთა ტოპ-ხუთეულში ბერძენი ნიკ კალატესი ("პანათინაიკოსი"), ესპანელი სერხიო ლული (მადრიდის "რეალი"), ფრანგი ნანდო დე კოლო (მოსკოვის "ცსკა") და რუსი ალექსეი შვედი (მოსკოვის "ხიმკი") მოხვდნენ.
"ბასკონიამ" თორნიკე შენგელიას გამოსახულებით ლუდი გამოუშვა [PHOTO]
შერმადინის "უნიკახა" შენგელიას და ჯენინგის "ბასკონიასთან" დამარცხდა
შენგელია "სამეფო კარის თამაშებში" - "ბასკონიას" კაპიტანი სარეკლამო კლიპში გადაიღეს [VIDEO]
![შენგელიას 17 ქულა "პანათინაიკოსთან" "ვირტუსი" ფავორიტთან ბოლო წუთებზე დამარცხდა [VIDEO]](/pictures/image7/4c6d6a1f4963611f07c11dc3d4c1444f.jpg "შენგელიას 17 ქულა \"პანათინაიკოსთან\" \"ვირტუსი\" ფავორიტთან ბოლო წუთებზე დამარცხდა [VIDEO]")
