ესპანეთის პირველობაზე მეოთხედფინალური სერია წარუმატებლად დასრულდა თორნიკე შენგელიას "ბასკონიასთვის".
ბასკები ჩემპიონობის ერთ-ერთ ფავორიტებად ითვლებოდნენ და "სარაგოსასთან" მოედნის უპირატესობაც ჰქონდათ, თუმცა ჯერ შინ წააგეს, 2 ივნისს კი სტუმრად დათმეს - 69:76.
მეორე შეხვედრაში გადამწყვეტი მეოთხე პერიოდი აღმოჩნდა, რომელიც "სარაგოსამ" 27:14 მოიგო.
ბასკების კაპიტანი თორნიკე შენგელია სასტარტო ხუთეულში იყო, 26 წუთი ითამაშა და 12 ქულას 4 მოხსნა და 3 პასი მიამატა. თოკომ ქულების ნახევარი სამიანებით მოაგროვა: 5-დან 2 ორქულიანი, 3-დან 2 სამიანი, 5-დან 2 საჯარიმო.
მის გუნდში ყველაზე მეტი, 14 ქულა ჯეისონ
გრეინჯერს ჰქონდა. "სარაგოსას" წარმატება კი მნიშვნელოვნად განაპირობა ნემანია რადოვიჩმა, რომელმაც 16 ქულა ჩააგდო.
მომზადებულია GBF.GE-ს მიხედვით
![შენგელიას 17 ქულა "პანათინაიკოსთან" "ვირტუსი" ფავორიტთან ბოლო წუთებზე დამარცხდა [VIDEO]](/pictures/image7/4c6d6a1f4963611f07c11dc3d4c1444f.jpg "შენგელიას 17 ქულა \"პანათინაიკოსთან\" \"ვირტუსი\" ფავორიტთან ბოლო წუთებზე დამარცხდა [VIDEO]")
