საკალათბურთო ჩემპიონთა ლიგაზე გიორგი შერმადინის "ტენერიფემ" მონტენეგროს ქალაქ ბარში ადგილობრივი "მორნარი" ბოლო წუთებზე 81:74 დაამარცხა.
ამ გამარჯვებაში ლომის წილი ქართველ ცენტრს მიუძღვის, რომლის შეჩერება ვერც ერთმა მორნარელმა ვერ შეძლო. არადა, მის წინააღმდეგ ძლიერი კალათბურთელები თამაშობდნენ: სლოვენიელი მეფარე მირზა ბეგიჩი, ხორვატი ფორვარდი დამირ მარკოტა, საქართველოს ნაკრებში ნათამაშები ჯეიკობ პულენი…
გიორგი შერმადინმა 19 ქულა მოაგროვა. მნიშვნელოვანი იყო მისი ორქულიანი "პიკ ენდ როლის" შემდეგ, რომლის წყალობითაც სირენამდე 2 წუთით ადრე შერმადინის გუნდელებმა 9-ქულიანი უპირატესობა მოიპოვეს (77:68) და მატჩის ბედიც გადაწყდა. შერმადინმა 24:49 წუთი ითამაშა და 18 ქულასთან ერთად 4 მოხსნა, 3 პასი და 2 დაფარება მიითვალა. გიორგიმ 9-დან 6 ორქულიანი და 4-დან 3 საჯარიმო ჩააგდო.
რაც შეეხება ჯეიკობ პულენს, მან 18 ქულა ჩააგდო. ჩემპიონთა ლიგაზე ორი ტურის შემდეგ ესპანურ გუნდს ორი მოგება აქვს და C ჯგუფის ლიდერია, რომელშიც 8 გუნდია თავმოყრილი. "ტენერიფე" მომდევნო მატჩს შინ 29 ოქტომბერს, ილიას ზუროსის "პერისტერისთან" გამართავს.
მომზადებულია gbf.ge-ს მიხედვით
![საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]](/pictures/image7/3ccfb825dab0133960c110a22eb40d4e.jpg "საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]")
