3 ნოემბერს, ლიგა ენდესას 7 ტურში თორნიკე შენგელიას "ბასკონიამ" საკუთარ მოედანზე დასანანი მარცხი იწვნია "რეალთან" - 89:91.
მასპინძლებმა პირველი ტაიმი 13 ქულით წააგეს, თუმცა მესამე მეოთხედი ჩინებულად ჩაატარეს, 36:18 მოიგეს, მაგრამ საბოლოოდ მაინც დამარცხდნენ - ბოლო წამზე გაბრიელ დეკმა ორქულიანი ჩააგდო და სტუმრებს გამარჯვება მოუპოვა.
შენგელიამ 32:31 წუთში 20 ქულა (13-დან 3 ორქულიანი, 7-დან 4 სამქულიანი, 2-დან 2 საჯარიმო), 7 მოხსნა, 4 პასი და 3 ჩაჭრა მიითვალა.
საქართველოს ნაკრების კალათბურთელმა მეტ ჯენინგმა 27:39 წუთში თავის გუნდს 18 ქულა (4-დან 3 ორქულიანი, 6-დან 4 სამქულიანი) შესძინა, ერთხელ მოხსნა და 3-ჯერ ჩაჭრა ბურთი და 4 პასი გააკეთა.
"ბასკონია" 3 მოგებით მე-9 ადგილზეა და 10 ნოემბერს გასვლაზე აუტსაიდერ "მონბუსს" შეხვდება.
![შენგელიას 17 ქულა "პანათინაიკოსთან" "ვირტუსი" ფავორიტთან ბოლო წუთებზე დამარცხდა [VIDEO]](/pictures/image7/4c6d6a1f4963611f07c11dc3d4c1444f.jpg "შენგელიას 17 ქულა \"პანათინაიკოსთან\" \"ვირტუსი\" ფავორიტთან ბოლო წუთებზე დამარცხდა [VIDEO]")
