შენგელია ბრწყინავს - თორნიკეს სარეკორდო 31 ქულის მიუხედავად, "ბასკონია" მაინც მარცხდება [VIDEO]

AutoSharing Option
AUTO PLAY
ვერაფერს იტყვი, მართლაც ჩინებულ ფორმაშია "ბასკონიას" კაპიტანი თორნიკე შენგელია, თამაშიდან თამაშამდე უმატებს და შეუჩერებელია.

14 ნოემბერს, ევროლიგის მე-8 ტურში მან "მაკაბისთან" შეხვედრაში 36:09 წუთში 31 ქულა (9-დან 5 ორქულიანი, 9-დან 6 სამიანი, 3-დან 3 საჯარიმო), 8 მოხსნა, 3 პასი და 1 ჩაჭრა მიითვალა. აღსანიშნავია, რომ ეს სარეკორდო მაჩვენებელია ქულებში, რაც შენგელიამ ევროპულ საკლუბო კალათბურთში ჩააგდო.

თორნიკე მატჩის ბომბარდირი და მარგი ქმედების 32-იანი კოეფიციენტით MVP გახდა.

თუმცა, თანგუნდელებმა მხარი ვერ აუბეს და საკუთარ მოედანზე 83:113 დამარცხდნენ. საქართველოს ნაკრების წევრი მეტ ჯენინგი ბასკურ
გუნდს 21:03 წუთში ოდენ 2 ქულით შეეწია.

"ბასკონია" 3 მოგებით მე-12 ადგილზეა და 20 ნოემბერს ცსკა-ს უმასპინძლებს.

მკითხველის კომენტარები / 5 /
ბრავო თოკო, რა მაგარი % დადო. მაგარ ფორმაშია. წარმატება თოკოს.
G.LA
12:44 15-11-2019
0
ჩვენი კალათბურთელების თამაშს რომ ვაკვირდები, თავისუფლად შეუძლიათ თამაში შენგელიას 3-ზე, ბითაძეს 4-ზე და შერმადინს 5-ზე. ასე ევროპაში უძლიერესი წინა ხაზი გვეყოლება.
შაკო
11:19 15-11-2019
0

სიახლეები პოპულარული