16 დეკემბერს გოგა ბითაძის "ინდიანა პეისერსმა" საკუთარ მოედანზე "შარლოტ ჰორნეთსი" 107:85 დაამარცხა.
ქართველი ცენტრი ამ მატჩის წინ "პორტ უელში" იყო განათხოვრებული, "ერი ბეიჰოუკსთან" მატჩში (113:93) 35 წუთში 26 ქულა, 14 მოხსნა და 4 შედეგიანი გადაცემა მიითვალა, უკან დააბრუნეს და 7:58 წუთი ათამაშეს.
გოგამ 2 ქულა ჩააგდო (1-დან 1 ორქულიანი), ერთხელ მოხსნა ბურთი, ორჯერ დაუფარა მეტოქეს, 1 შედეგიანი გადაცემა გააკეთა და 3 პერსონალური მიიღო.
მატჩის ყველაზე შედეგიანი კალათბურთელი 23 ქულით ინდიანელთა გამთამაშებელი აარონ ჰოლიდეი გახდა. რაც შეეხება "პეისერსის" ცენტრებს, დომანტას საბონისმა 34:04 წუთში 12 ქულა და ამდენივე მოხსნა მიითვალა, ხოლო მაილს ტერნერმა - 25:56 წუთში 14 ქულა და 10 მოხსნა.
მატჩის MVP მარგი ქმედების 23-იანი კოეფიციენტით "შარლოტის" ცენტრი კოდი ზეელერი იყო (19 ქულა და 12 მოხსნა).
"ინდიანამ" აღმოსავლეთ კონფერენციაში 27 მატჩიდან 18 მოიგო, მეექვსე ადგილზეა და 18 დეკემბერს "ლოს ანჯელეს ლეიკერსს" უმასპინძლებს.
![alt](/pictures/image50/ecf249348a93d90d7ac6fa7b35ad8171.jpg "გოგა ბითაძემ "შარლოტთან" 8 წუთში 2 ქულა ჩააგდო - "ინდიანამ" ისევ გაიმარჯვა")
გოგა ბითაძის ბრწყინვალე დებიუტი G ლიგაში - ორმაგი დუბლი, 4 ზუსტი სამქულიანი და გამარჯვება [VIDEO]
