ლიგა ენდესას 22-ე ტურში "ფუენლაბრადასა" და თორნიკე შენგელიას "ბასკონიას" მატჩში გამარჯვებულის გამოსავლენად 2 ოვერტაიმის დანიშვნა გახდა საჭირო და საბოლოოდ ჩვენებურის გუნდმა 98:92 იმარჯვა. შეხვედრა 2 საათი და 4 წუთი გაგრძელდა.
შენგელია ჩინებულად გაისარჯა. თავად განსაჯეთ: 47:41 წუთში 32 ქულა (14-დან 8 ორქულიანი, 5-დან 3 სამიანი, 11-დან 7 საჯარიმო), 13 მოხსნა და 5 პასი მიითვალა, მარგი ქმედების 44-იანი კოეფიციენტით კი MVP გახდა.
საქართველოს ნაკრების კალათბურთელი მეტ ჯენინგი "ბასკონიას" 19 ქულით შეეწია.
"ბასკონია" 11 მოგებით მე-10 ადგილზეა და 8 მარტს გიორგი შერმადინის
"იბეროსტარს" უმასპინძლებს.
თოკო შენგელიას ლამაზი პასი და 18 ქულა ევროლიგაზე [VIDEO]
![შენგელიას 17 ქულა "პანათინაიკოსთან" "ვირტუსი" ფავორიტთან ბოლო წუთებზე დამარცხდა [VIDEO]](/pictures/image7/4c6d6a1f4963611f07c11dc3d4c1444f.jpg "შენგელიას 17 ქულა \"პანათინაიკოსთან\" \"ვირტუსი\" ფავორიტთან ბოლო წუთებზე დამარცხდა [VIDEO]")
