ევროლიგაზე შენგელიას "ბასკონიამ" ზედიზედ მესამე გამარჯვება მოიპოვა და თან, რა გამარჯვება!
"ბასკონიამ" სახლში "ალბას" 73:72 სძლია, არადა წაგებასთან ძალიან ახლოს იყო. მესამე პერიოდში სტუმრები 51:35 დაწინაურდნენ, შეხვედრის დასრულებამდე 3.2 წამით ადრე მასპინძლები სამქულიანით მეტ ჯენინგმა წინ გაიყვანა, ბოლოს შენგელიამ ლუკ სიკმას დაუფარა და მოიგეს.
შენგელიამ 34:26 წუთში 24 ქულა (13-დან 8 ორქულიანი, 4-დან 1 სამიანი, 6-დან 5 საჯარიმო), 7 მოხსნა, 5 პასი, 3 ჩაჭრა და 1 დაფარება მიითვალა, ხოლო მისი მარგი ქმედების კოეფიციენტი 28-ს გაუტოლდა და ბომბარდირობასთან ერთად MVP-ც გახდა.
აღსანიშნავია, რომ თორნიკემ ბოლო პერიოდში 11 ქულა ჩააგდო.
ჯენინგმა "ბასკონიას" 10 ქულა შესძინა.
"ბასკონია" 12 ქულით მე-13 ადგილზეა და მე-7 და მე-8 პოზიციაზე მყოფ "ხიმკისა" და "ფენერბახჩეს" 1 მოგებითღა ჩამორჩება, 12 მარტს კი თელ-ავივის "მაკაბის" შეხვდება.
![alt](/pictures/image50/26ecb702058cd22bd737b3110af527da.jpg "შენგელიამ და ჯენინგმა "ბასკონიას" წაგებული თამაში მოაგებინეს და პლეი-ოფის ზონას მიუახლოვდნენ")
შენგელიას "ბასკონიამ" მიუნხენშიც იმარჯვა და პლეი-ოფის ზონას მიუახლოვდა![alt](/pictures/image50/e7f2d6b4cb30d3f367762f8973ccfacf.jpg "შენგელიამ და ჯენინგმა "ბასკონიას" წაგებული თამაში მოაგებინეს და პლეი-ოფის ზონას მიუახლოვდნენ")
თოკო შენგელიას ლამაზი პასი და 18 ქულა ევროლიგაზე [VIDEO]
![შენგელიას 17 ქულა "პანათინაიკოსთან" "ვირტუსი" ფავორიტთან ბოლო წუთებზე დამარცხდა [VIDEO]](/pictures/image7/4c6d6a1f4963611f07c11dc3d4c1444f.jpg "შენგელიას 17 ქულა \"პანათინაიკოსთან\" \"ვირტუსი\" ფავორიტთან ბოლო წუთებზე დამარცხდა [VIDEO]")
