ესპანეთში საკალათბურთო სეზონი ოფიციალურად დაიწყო. ტრადიციულად, ეს სუპერთასის გათამაშებით მოხდა, რომელშიც გასული სეზონის 4 საუკეთესო გუნდი მონაწილეობდა. მინი-ტურნირს კანარის კუნძულებმა, კონკრეტულად, კი ტენერიფემ უმასპინძლა, რომელი ქალაქის გუნდის ღირსებასაც გიორგი შერმადინი იცავს. პირველ დღეს ნახევარფინალები გაიმართა – “ბარსელონამ” თორნიკე შენგელიას ყოფილი კლუბი “ბასკონია” დაამარცხა – 72:68, ხოლო “რეალმა” “ტენერიფე” – 92:79.
კუნძულელთა მწვრთნელმა ხესუს ვიდორეტამ შერმადინი სასტარტო ხუთეულში დააყენა. ეს მწვრთნელისგან ტრადიციული გადაწყვეტილება იყო, თუმცა გასაკვირი გახლდათ, რატომ არ შეიყვანა ხუთეულში გამთამაშებელი მარსელინიო უერტასი, რომელიც შერმადინთან გასულ სეზონში ესპანეთის ჩემპიონატის საუკეთესო
ამჯერად, “რეალთან” ვიდორეტამ ამ დუეტზე უარი თქვა – როცა შერმადინი მოედანზე იყო, მარსელინიო ისვენებდა და პირიქით. საბოლოოდ მივიღეთ თამაში, რომელშიც ქართველ ცენტრამდე ბურთი იშვიათად მიდიოდა. მან საბოლოოდ 18 წუთში 9 ქულა, 7 მოხსნა და 1 პასი მიითვალა. 17 ქულით “ტენერიფეს” ბომბარდირი უერტასი გახდა. “რეალის” გამარჯვებაში კი 18-ქულიანი წვლილი შეიტანა რუდი ფერნანდესმა, რომელმაც 9-დან 5 სამქულიანი ჩააგდო.
მომზადებულია GBF.GE-ს მიხედვით
![alt](/pictures/image50/07146f43b33302a5ec4186752dc58bf8.jpg "შერმადინის "ტენერიფემ" სუპერთასს უმასპინძლა, მაგრამ ფინალში "რეალი" და "ბარსელონა" გავიდნენ")
ბურჯანაძის "გრან კანარიამ" შერმადინის "ტენერიფე" დაამარცხა [VIDEO]
