ევროლიგის მე-5 ტურში ცსკა ბელგრადში ოვერტაიმში 84:86 დამარცხდა "ცრვენა ზვეზდასთან". რუსული მედია წაგებას მიკერძოებულ მსაჯობას აბრალებს და აღნიშნავს, რომ მატჩამდე თორნიკე შენგელია ჯანმრთელად არ იყო.
შენგელიას თამაში სასტარტო ხუთეულში არ დაუწყია, 21:02 წუთში 8 ქულა (1-დან 1 ორქულიანი, 2-დან 1 სამიანი და 6-დან 3 საჯარიმო ), 4 მოხსნა, 3 პასი და 1 ჩაჭრა მიითვალა, 2-ჯერ დაკარგა ბურთი, მისი სარგებლიანობის კოეფიციენტი კი 11 გახლდათ. მან ოვერტაიმში მეხუთე პერსონალური შენიშვნა მიიღო და პარკეტის დატოვება მოუწია.
არმიულ გუნდს 29 ქულით დანიელ ჰეკეტი შეეწია, რომლის მარგი ქმედების კოეფიციენტმა 39 შეადგინა. ჯორდან ლოიდმა სერბულ გუნდს 31 ქულა შესძინა.
ცსკა 2 მოგებით მე-12 ადგილზეა და 29 ოქტომბერს "ვალენსიას" უმასპინძლებს.
თორნიკე შენგელია - "ეს არ იყო ადვილი გადაწყვეტილება..."
![შენგელიას 17 ქულა "პანათინაიკოსთან" "ვირტუსი" ფავორიტთან ბოლო წუთებზე დამარცხდა [VIDEO]](/pictures/image7/4c6d6a1f4963611f07c11dc3d4c1444f.jpg "შენგელიას 17 ქულა \"პანათინაიკოსთან\" \"ვირტუსი\" ფავორიტთან ბოლო წუთებზე დამარცხდა [VIDEO]")
