VTB-ლიგაზე თორნიკე შენგელიას ცსკა მოულოდნელად გასვლაზე 90:93 დამარცხდა "ზელენა გურასთან". არადა, დებიუტში მოსკოველები 15 ქულით დაწინაურდნენ. ეს ისტორიაში პოლონური გუნდის ცსკა-სთან პირველი გამარჯვებაა.
ცსკა-ს შემადგენლობაში მიკ ჯეიმსი დაბრუნდა, ნიკოლა მილუტინოვი კი ტრავმის გამო ამ სეზონში ვერ დაეხმარება თავის გუნდს.
მატჩის დასრულებამდე 8 წამით ადრე ანგარიში 90:90 იყო. ბურთს სტუმრები ფლობდნენ. დენიელ ჰეკეტს ბურთი კრის რიჩარდსმა მოჰპარა, სამქულიანი ჩააგდო და თავის გუნდს გამარჯვება მოუპოვა.
შენგელიამ 22:20 წუთში 19 ქულა (12-დან 7 ორქულიანი, 2-დან 0 სამქულიანი, 5-დან 5 საჯარიმო), 4 მოხსნა და 3
პასი მიითვალა, 3-ჯერ დაკარგა ბურთი, მისი სარგებლიანობის კოეფიციენტი კი 20-ს გაუტოლდა. თორნიკე თავის გუნდში ყველაზე შედეგიანი იყო.
26 ქულით მატჩის ყველაზე შედეგიანი კალათბურთელი მასპინძელთა გუნდის დანიელი ლეგიონერი გაბრიელ ლუნდბერგი გახლდათ, ხოლო რიჩარდსმა 25 ქულა ჩააგდო.
ცსკა-ს 13 ჩატარებული მატჩიდან 10 აქვს მოგებული, მეორე ადგილზეა და 7 თებერვალს "კალევს" უმასპინძლებს.
თორნიკე შენგელია ვითიბი ლიგის "ოლ სტარში" ითამაშებს
![შენგელიას 17 ქულა "პანათინაიკოსთან" "ვირტუსი" ფავორიტთან ბოლო წუთებზე დამარცხდა [VIDEO]](/pictures/image7/4c6d6a1f4963611f07c11dc3d4c1444f.jpg "შენგელიას 17 ქულა \"პანათინაიკოსთან\" \"ვირტუსი\" ფავორიტთან ბოლო წუთებზე დამარცხდა [VIDEO]")
