ნაციონალურ საკალათბურთო ასოციაციაში "ინდიანა პეისერსმა" "ვაშინგტონ ვიზარდსს" უმასპინძლა და 113:108 დაამარცხა.
სამწუხაროდ, მასპინძელთა შემადგელობიდან გოგა ბითაძემ მატჩის დაწყებამდე მარჯვენა ფეხზე დისკომფორტი იგრძნო და შეხვედრაში მონაწილეობის მიღება ვერ მოახერხა. ჯერჯერობით უცნობია, რამდენად მძიმეა გოგას ტრავმა და როდის შეძლებს ქართველი მოედანზე გასვლას. რა თქმა უნდა, ეს ყველაფერი ორმაგად დასანანია მაშინ, როდესაც გუნდის ძირითადი ცენტრი მაილის ტერნერი თამაშს ვერ ახერხებს და გოგა ძირითად შემადგენლობაში გამოდის. ასეა თუ ისე, "პეისერსმა" 7-მატჩიანი მოუგებელი სერია დაასრულა, ბითაძეზე კი ჯერჯერობით დაზუსტებული ინფორმაცია არ გავრცელებულა.
მასპინძელთა მხრიდან საუკეთესო ტაირის ჰალიბარტონი გახლდათ, რომელმაც თავი 21 ქულით, 5 მოხსნით, 14 შედეგიანი გადაცემითა და 1 ჩაჭრით გამოიჩინა.
დედაქალაქელების შემადგენლობიდან კენტავიუს კალდველ-პოუპმა გუნდს 27 ქულა, 3 მოხსნა, 1 შედეგიანი გადაცემა და 3 ჩაჭრა შესძინა.
კაილ კუზმამ 26 ქულა, 15 მოხსნა, 6 შედეგიანი გადაცემა და 1 ჩაჭრა მიითვალა.
ამრიგად, "ინდიანა" 20 მოგებითა და 40 წაგებით აღმოსავლეთ კონფერენციაში მე-13 ადგილს იკავებს. მომდევნო შეხვედრას 26 თებერვალს, "ოკლაჰომა სითი თანდერის" წინააღმდეგ გამართავს.
"ვიზარდსი" 26 გამარჯვებითა და 31 მარცხით იმავე აღმოსავლეთში მე-11 პოზიციაზე იმყოფება, შემდეგ მატჩს კი ხვალ, 18 თებერვალს, "ბრუკლინ ნეტსის" პირისპირ ჩაატარებს.
სანდრო VS გოგა - ქართველები სოლიდური დროით ერთმანეთის პირისპირ [VIDEO]
![ბითაძის შედეგიანი მატჩი და მორიგი ორმაგი დუბლი - "ორლანდო მეჯიქმა" "ფინიქს სანზი" დაამარცხა [VIDEO]](/pictures/image7/519fdd4b7a73cd99eb17522137b13ff6.jpg "ბითაძის შედეგიანი მატჩი და მორიგი ორმაგი დუბლი - \"ორლანდო მეჯიქმა\" \"ფინიქს სანზი\" დაამარცხა [VIDEO]")
![ბითაძის 27 წუთი და "ორლანდო მეჯიქის" ზედიზედ მე-5 გამარჯვება [VIDEO]](/pictures/image7/6c84c5ed2d9b380dcd6726f3f0b8cd19.jpg "ბითაძის 27 წუთი და \"ორლანდო მეჯიქის\" ზედიზედ მე-5 გამარჯვება [VIDEO]")
![ბითაძის 12 ქულა, 12 მოხსნა და "ორლანდოს" ზედიზედ მე-4 გამარჯვება [VIDEO]](/pictures/image7/a64b5a2c97d51333b7dd4bbc12acb694.jpg "ბითაძის 12 ქულა, 12 მოხსნა და \"ორლანდოს\" ზედიზედ მე-4 გამარჯვება [VIDEO]")
![ბითაძის მეორე ორმაგი დუბლი და "ორლანდოს" ზედიზედ მეორე გამარჯვება [VIDEO]](/pictures/image7/7f4aad491147e22f485203e4f400edf3.jpg "ბითაძის მეორე ორმაგი დუბლი და \"ორლანდოს\" ზედიზედ მეორე გამარჯვება [VIDEO]")
![ბითაძე სასტარტო ხუთეულში დაბრუნდა, ქართველს ორმაგ დუბლამდე ცოტა დააკლდა [VIDEO]](/pictures/image7/b824e9dbaa7f3709088e9b44c6d3c864.png "ბითაძე სასტარტო ხუთეულში დაბრუნდა, ქართველს ორმაგ დუბლამდე ცოტა დააკლდა [VIDEO]")
