ნაციონალურ საკალათბურთო ასოციაციაში "ინდიანა პეისერსმა" "ბოსტონ სელტიკსს" უმასპინძლა და 128:107 დაამარცხა.
მასპინძელთა მხრიდან გოგა ბითაძემ მოედანზე 16 წუთი გაატარა, რა დროშიც 2 ქულა (1/3), 5 მოხსნა და 2 შედეგიანი გადაცემა დააგროვა. მესამე მეოთხედის დასრულებამდე 4:45 წამით ადრე არასასიამოვნო ინციდენტი მოხდა, ქართველი კალათბურთელი 2021 წლის "ყველა ვარსკვლავის" მონაწილეს, ჯეილინ ბრაუნს შემთხვევით დაეჯახა, რის გამოც "კელტების" ერთ-ერთი ლიდერი დაეცა, ფეხზე გამწარებული წამოდგა და ჩვენებურს ხელი ჰკრა. გოგა პროვოკაციას არ აჰყვა და არსებულ სიტუაციას გამოერიდა.
გამარჯვებულთა რიგებიდან საუკეთესო ტაირის ჰალიბარტონი გახლდათ, რომელმაც თავი 22 ქულით, 4 მოხსნით, 9 შედეგიანი გადაცემით, 1 ჩაჭრითა და 1-იც დაფარებით გამოიჩინა.
"ბოსტონის" მხრიდან ჯეისონ ტეიტუმმა გუნდს 24 ქულა, 5 მოხსნა, 3 შედეგიანი გადაცემა და 1 ჩაჭრა შესძინა.
ჯეილინ ბრაუნმა აქტივში 23 ქულა, 4 მოხსნა, 8 შედეგიანი გადაცემა და 1 ჩაჭრა ჩაიწერა.
ამრიგად, "პეისერსი" 21 მოგებითა და 41 წაგებით აღმოსავლეთ კონფერენციაში მე-13 ადგილზე იმყოფება. მომდევნო შეხვედრას 1-ელ მარტს, "ორლანდო მეჯიქის" წინააღმდეგ ჩაატარებს.
"სელტიკსი" 36 გამარჯვებითა და 27 მარცხით იმავე აღმოსავლეთში მე-6 პოზიციას იკავებს, შემდეგ მატჩს კი 2 მარტს, "ატლანტა ჰოუქსის" პირისპირ გამართავს.
![ბითაძის შედეგიანი მატჩი და მორიგი ორმაგი დუბლი - "ორლანდო მეჯიქმა" "ფინიქს სანზი" დაამარცხა [VIDEO]](/pictures/image7/519fdd4b7a73cd99eb17522137b13ff6.jpg "ბითაძის შედეგიანი მატჩი და მორიგი ორმაგი დუბლი - \"ორლანდო მეჯიქმა\" \"ფინიქს სანზი\" დაამარცხა [VIDEO]")
![ბითაძის 27 წუთი და "ორლანდო მეჯიქის" ზედიზედ მე-5 გამარჯვება [VIDEO]](/pictures/image7/6c84c5ed2d9b380dcd6726f3f0b8cd19.jpg "ბითაძის 27 წუთი და \"ორლანდო მეჯიქის\" ზედიზედ მე-5 გამარჯვება [VIDEO]")
![ბითაძის 12 ქულა, 12 მოხსნა და "ორლანდოს" ზედიზედ მე-4 გამარჯვება [VIDEO]](/pictures/image7/a64b5a2c97d51333b7dd4bbc12acb694.jpg "ბითაძის 12 ქულა, 12 მოხსნა და \"ორლანდოს\" ზედიზედ მე-4 გამარჯვება [VIDEO]")
![ბითაძის მეორე ორმაგი დუბლი და "ორლანდოს" ზედიზედ მეორე გამარჯვება [VIDEO]](/pictures/image7/7f4aad491147e22f485203e4f400edf3.jpg "ბითაძის მეორე ორმაგი დუბლი და \"ორლანდოს\" ზედიზედ მეორე გამარჯვება [VIDEO]")
![ბითაძე სასტარტო ხუთეულში დაბრუნდა, ქართველს ორმაგ დუბლამდე ცოტა დააკლდა [VIDEO]](/pictures/image7/b824e9dbaa7f3709088e9b44c6d3c864.png "ბითაძე სასტარტო ხუთეულში დაბრუნდა, ქართველს ორმაგ დუბლამდე ცოტა დააკლდა [VIDEO]")
