ნაციონალურ საკალათბურთო ასოციაციაში "კლივლენდ კავალიერსმა" "მილუოკი ბაქსს" უმასპინძლა და 133:115 დაამარცხა.
სტუმართა რიგებიდან ლიდერების არყოფნაში სანდრო მამუკელაშვილმა შესანიშნავი შეხვედრა ჩაატარა. ქართველმა კალათბურთელმა თავი 28 ქულით (10/18), 13 მოხსნით, 4 შედეგიანი გადაცემითა და 1 ჩაჭრით გამოიჩინა.
აღსანიშნავია, რომ "კავალიერსის" უპირატესობა ერთ მომენტში 40 ქულაც იყო. ჩვენებურის თაოსნობით მოქმედმა ჩემპიონებმა სხვაობა 12 ქულამდეც შეამცირეს, თუმცა საბოლოოდ მაინც დამარცხდნენ. სანდროსთვის ხსენებული 28 ქულა კარიერაში საუკეთესო (NBA-ს) შედეგია. აქამდე ნაციონალურ საკალათბურთო ასოციაციაში ქართველებიდან შედეგიანობის რეკორდი ზაზა ფაჩულიას ეკუთვნოდა - 27.
"მამუს" მხარი თანასის ანტეტოკუნმპომ
(27) და ჯორდან ნვორამ (24) აუბეს.
რაც შეეხება "კლივლენდს", მასპინძელთა მხრიდან კევინ ლავმა გუნდს 32 ქულა, 10 მოხსნა, 2 შედეგიანი გადაცემა და 1 ჩაჭრა შესძინა.
ამრიგად, "ბაქსი" 51 მოგებითა და 30 წაგებით აღმოსავლეთ კონფერენციაში მე-2 ადგილზე გავიდა, "კავალიერსი" კი 43 გამარჯვებითა და 38 მარცხით იმავე აღმოსავლეთში მე-8 პოზიციას დასჯერდა.
ქართველები NBA-ში - გოგამ და სანდრომ დიდი დროით ითამაშეს
![მამუკელაშვილის 16 წუთი და ვემბანიამას ფენომენალური მატჩი - "სან ანტონიო სპურსმა" "საკრამენტო კინგსი" დაამარცხა [VIDEO]](/pictures/image7/f23b6d776512204cee5bdf9332d1bc0b.png "მამუკელაშვილის 16 წუთი და ვემბანიამას ფენომენალური მატჩი - \"სან ანტონიო სპურსმა\" \"საკრამენტო კინგსი\" დაამარცხა [VIDEO]")
![მამუკელაშვილის სეზონის საუკეთესო მატჩი - "სან ანტონიო სპურსმა" "იუტა ჯაზი" დაამარცხა [VIDEO]](/pictures/image7/809e6ab642ef7f39174e0976f458e9c7.jpg "მამუკელაშვილის სეზონის საუკეთესო მატჩი - \"სან ანტონიო სპურსმა\" \"იუტა ჯაზი\" დაამარცხა [VIDEO]")
![მამუკელაშვილის მორიგი შედეგიანი მატჩი - "სპურსმა" "ჯაზი" დაძაბულ ბრძოლაში დაამარცხა [VIDEO]](/pictures/image7/37e9e74b492137826db037756e1eaa1d.jpg "მამუკელაშვილის მორიგი შედეგიანი მატჩი - \"სპურსმა\" \"ჯაზი\" დაძაბულ ბრძოლაში დაამარცხა [VIDEO]")
