დუდა სანაძის „ბორაცი“ მომდევნო სეზონშიც ადრიატიკის ლიგაში იასპარეზებს. ამისთვის სერბული ქალაქ ჩაჩაკის გუნდს საკვალიფიკაციო სერიის მოგება დასჭირდა. "ბორაცმა" ადრიატიკის ლიგის რეგულარულ ჩემპიონატში მე-11 ადგილი დაიკავა და ლიგაში ადგილის შენარჩუნება ქვედალიგელ “ზლატოგორთან” მოუხდა.ბორაცელებმა სერიის ორივე შეხვედრა მოუგეს მეტოქეს და ადრიატიკის ლიგაში ადგილი შეინარჩუნეს. მეორე მატჩში, რომელიც "ბორაცმა" 87:66 მოიგო, დუდა სანაძე საკუთარი გუნდის შემადგენლობაში საუკეთესო იყო და მატჩის MVP-იც გახდა. ქართველმა კალათბურთელმა მოედანზე გატარებულ არასრულ 32 წუთში 15 ქულა, 5 მოხსნა და 5 შედეგიანი გადაცემა მოაგროვა, რითაც „ბორაცის“ გამარჯვებაში ლომის
წილი დაიდო. დუდას ანგარიშზე 3-დან 3 ორქულიანი და 5-დან 3 სამქულიანია. ქართველი კალათბურთელის მარგი ქმედების კოეფიციენტი 20-ს გაუტოლდა, რაც ორივე გუნდის შემადგენლობაში საუკეთესო მაჩვენებელი იყო.
GBF.GE
![alt](/pictures/image50/2d657c7af3f763dbd58a73a8cd75fb07.jpg "დუდა სანაძემ "ბორაცს" ადრიატიკის ლიგაში ადგილი შეუნარჩუნა")
დუდა სანაძემ ადრიატიკის ლიგის სეზონი გამარჯვებით და 10 ქულით დაასრულა
