ეს ყველაფერი კონკიას ამბავს ჰგავს. იტალიის თასს რიგითი გამარჯვებული ჰყავს. "ბრეშამ" მეოთხედფინალში "მილანს" სძლია, ნახევარფინალში – "პეზაროს", ფინალში კი თორნიკე შენგელიას "ვირტუსს" 84:76 მოუგო და ბოლონიელები ტიტულის გარეშე დატოვა.
აღსანიშნავია, "ბრეშა" თითქმის მთელი შეხვედრის განმავლობაში ლიდერობდა და მართალია, ბოლო მეოთხედში მათი უპირატესობიდან მხოლოდ ქულა დარჩა, გამარჯვებამდე მაინც მივიდა.
შენგელია სასტარტო ხუთეულში იყო და მოედანზე 28 წუთი გაატარა, სანამ მე-5 პერსონალურ ფოლს მიიღებდა. თორნიკემ 8-დან 4 ორქულიანი და 5-დან 4 საჯარიმო ჩააგდო და 12 ქულას 4 მოხსნა, 1 ჩაჭრა და 5
ქართველმა მძიმე ფორვარდმა ბურთი 4-ჯერ დაკარგა, მის წინააღმდეგ კი თამაშის წესები 6-ჯერ დაირღვა. შედეგად, შენგელიას სარგებლიანობის კოეფიციენტი 13-ს გაუტოლდა.
ბოლონიელებს ვერც ვეტერანი მარკო ბელინელის მორიგმა შედეგიანმა თამაშმა უშველა, რომელმაც 23 წუთში 24 ქულა ჩააგდო.
შეგახსენებთ, რომ შენგელია საქართველოს ნაკრებს ნიდერლანდებში შეუერთდება.
GBF.GE
![alt](/pictures/image50/27e20a8469c6d22cbe8d14a65f90e096.jpg "იტალიის თასის ფინალში "ბრეშამ" სენსაციურად დაამარცხა თორნიკე შენგელიას "ვირტუსი"")
შენგელიას 18 ქულა 19 წუთში და "ვირტუსი" იტალიის თასის გათამაშების ფინალშია
![შენგელიას 17 ქულა "პანათინაიკოსთან" "ვირტუსი" ფავორიტთან ბოლო წუთებზე დამარცხდა [VIDEO]](/pictures/image7/4c6d6a1f4963611f07c11dc3d4c1444f.jpg "შენგელიას 17 ქულა \"პანათინაიკოსთან\" \"ვირტუსი\" ფავორიტთან ბოლო წუთებზე დამარცხდა [VIDEO]")
