დღეს, 15 მაისის დილის 05:00 საათზე გაიმართა NBA-ს დასავლეთ კონფერენციის ფინალური სერიის პირველი შეხვედრა. "გოლდენ სტეიტ უორიორზმა" ოკლენდში "პორტლენდს" უმასპინძლა. შეხვედრა 3 მეოთხედის განმავლობაში მეტ-ნაკლებად თანაბრად მიმდინარეობდა. მე-4 მეოთხედის წინ კალიფორნიელები მხოლოდ 6 ქულით იყვნენ წინ, თუმცა ბოლო მეოთხედი 16-ქულიანი სხვაობით მოიგეს და საბოლოოდ გაიმარჯვეს კიდეც - 116:94.
შეხვედრა იმითაც იყო აღსანიშნავი, რომ ერთმანეთის წინააღმდეგ ძმები - სტეფ და სეთ კარები თამაშობდნენ. უფროსმა ძმამ უმცროსს აშკარად აჯობა და მატჩის საუკეთესო მოთამაშეც გახდა. სტეფმა 35 წუთში 36 ქულა ჩააგდო, 7 შედეგიანი
გადაცემა გააკეთა და 6 მოხსნაც მიითვალა; სეთმა კი 19 წუთში მხოლოდ 3 ქულის, 3 მოხსნისა და 2 შედეგიანი გადაცემის მოგროვება შეძლო.
კევინ დურანტის არყოფნისას კლეი ტომპსონი იყო მოწოდების სიმაღლეზე - 26 ქულით კარის შემდეგ გუნდში საუკეთესო გახლდათ. დრეიმონ გრინმა შეხვედრა ორმაგი დუბლით დაასრულა - 12 ქულა და 10 მოხსნა.
"პორტლენდიდან" საუკეთესო მექულე დემიენ ლილარდი იყო. მან 19 ქულის ჩაგდება მოახერხა. 17 ქულა კი ერთდროულად 3 კალათბურთელს ჰქონდა - მაურის ჰარკლისს, სი ჯი მაკკოლუნს და როდნი ჰუდს. ორმაგი დუბლი შეასრულა ენეს კარტერმა - 10 ქულა და 16 მოხსნა.
ხაზგასასმელია ისიც, რომ ორივე გუნდის შემადგენლობაში განაცხადში მყოფმა ყველა კალათბურთელმა ითამაშა. "გოლდენ სტეიტში" ასეთი 13 მოთამაშე იყო, "პორტლენდში" კი - 12.
15 მაისი. ოკლენდი, "ორაკლ არენა"
გოლდენ სტეიტ უორიორზი - პორტლენდ ტრეილ ბლაზერსი 116:94 (27:23, 27:22, 23:26, 39:23)
სერიაში 1:0-ია, "გოლდენ სტეიტის" სასარგებლოდ.
შემდეგი შეხვედრა კი ზეგ, იმავე დროს, იმავე ადგილას გაიმართება.
![მსგავსს იშვიათად ნახავთ - ნიკოლა იოკიჩის დაუჯერებელი ტყორცნა და დამწუხრებული სტეფ კარი [VIDEO]](/pictures/image7/6aa73e14496b5afe793a6369ddb40149.jpg "მსგავსს იშვიათად ნახავთ - ნიკოლა იოკიჩის დაუჯერებელი ტყორცნა და დამწუხრებული სტეფ კარი [VIDEO]")
![სტეფ კარის შოუ "საკრამენტოსთან" და "გოლდენ სტეიტის" პირველი გამარჯვება ახალ სეზონში [VIDEO]](/pictures/image7/59f32ea5ddea3ac357c7f11ccfe04a04.jpg "სტეფ კარის შოუ \"საკრამენტოსთან\" და \"გოლდენ სტეიტის\" პირველი გამარჯვება ახალ სეზონში [VIDEO]")
![ლილარდმა ახალ გუნდს პირველივე თამაში მოაგებინა - დემიენის შედეგიანი დებიუტი "ბაქსის" რიგებში [VIDEO]](/pictures/image7/45c9ce7b9d042b3a317520e3550f587a.jpg "ლილარდმა ახალ გუნდს პირველივე თამაში მოაგებინა - დემიენის შედეგიანი დებიუტი \"ბაქსის\" რიგებში [VIDEO]")
!["ლეიკერსმა" მაგარი თამაში ჩაატარა, "გოლდენ სტეიტი" დაამარცხა და ფინალში გავიდა [VIDEO]](/pictures/image7/623004260c10caf08939171d54eaba0f.jpg "\"ლეიკერსმა\" მაგარი თამაში ჩაატარა, \"გოლდენ სტეიტი\" დაამარცხა და ფინალში გავიდა [VIDEO]")
![სტეფ კარის ფენომენალური მატჩი და გამარჯვება "საკრამენტო კინგსთან" [VIDEO]](/pictures/image7/308cbd8fbaf118ea5d38ef923a50fdca.jpg "სტეფ კარის ფენომენალური მატჩი და გამარჯვება \"საკრამენტო კინგსთან\" [VIDEO]")
!["ლეიკერსის" 25-ქულიანი ქამბექი და მნიშვნელოვანი გამარჯვება "პორტლენდთან" [VIDEO]](/pictures/image7/43d26385da8e7edbeaa30a1d29e782c8.jpg "\"ლეიკერსის\" 25-ქულიანი ქამბექი და მნიშვნელოვანი გამარჯვება \"პორტლენდთან\" [VIDEO]")
