დღეს, 6 ივნისის დილით, NBA-ს სუპერფინალის მე-3 შეხვედრა გაიმართა. "გოლდენ სტეიტ უორიორსმა" "ტორონტო რეპტორსს" უმასპინძლა და უთანასწორო ბრძოლაში 14-ქულიანი სხვაობით, ანგარიშით 109:123 დამარცხდა.
ამ გამარჯვების შემდეგ "ტორონტო" სერიაში 2:1 დაწინაურდა.
აღსანიშნავია, რომ სტუმრებმა 4-ვე მეოთხედის მოგება შეძლეს, ხოლო "გოლდენ სტეიტმა" სუპერფინალის მესამე შეხვედრაშიც 109 ქულა ჩააგდო.
კალიფორნიელებს აღნიშნულ შეხვედრაში კევინ დურანტი, კლეი ტომპსონი და კევინ ლუნი აკლდათ. 2 ტოპ-კლასის მსროლელის გარეშე მყოფი გუნდი სტეფ კარის იმედად დარჩა.
ოკლენდელების გამთამაშებელმა 47 ქულა ჩააგდო და მატჩის საუკეთესო მოთამაშეც გახდა, თუმცა მისი მცდელობა გამარჯვებისთვის საკმარისი არ აღმოჩნდა.
სტეფმა 47 ქულასთან ერთად 8 მოხსნა და 7 შედეგიანი გადაცემაც გააკეთა. შემდეგი საუკეთესო მექულე გუნდში დრეიმონ გრინი იყო. გრინმა 17 ქულა მოიპოვა და 7-ჯერ მოხსნა ბურთი. 11 ქულით დაასრულა შეხვედრა ანდრე იგუდალამ. ქვინ ქუქს 11 ქულა ჰქონდა. ძალიან ცუდად ითამაშა დემარკუს კაზინსმა. "გოლდენ სტეიტის" ცენტრმა 19 წუთში მხოლო 4 ქულა ჩააგდო და 3 ჯერ მოხსნა ბურთი.
კანადელთა რიგებში საუკეთესო კავაი ლეონარდი გახლდათ 30 ქულით. 23 ქულა და 9 შედეგიანი გადაცემა ჰქონდა კაილ ლაურის. დენი გრინმა გუნდს 18 ქულა შესძინა და 5 -ჯერ მოხსნა ბურთი ფარიდან. ასევე 18 ქულა მოიპოვა პასკალ სიაკამმა. ამასთან, "ტორონტოელთა" ფორვარდმა 9 მოხსნა და 6 შედეგიანი გადაცემაც მიითვალა. მარკ გასოლმა შეხვედრა 17 ქულით, 7 მოხსნითა და 4 შედეგიანი გადაცემით დაამთავრა. ფრენ ვანვლითს 11 ქულა ჰქონდა.
შემდეგი შეხვედრა ზეგ, 8 ივნისს ოკლენდში, ჩვენი დროით 05:00-ზე დაიწყება.
![alt](/pictures/image50/db9656aeb3659a88041a438c5a7b4748.jpg "NBA. სუპერფინალის სიბრძნე: ერთი სტეფ კარი "ტორონტოს" ვერ მოუგებსო [VIDEO]")
NBA. სუპერფინალი: "გოლდენ სტეიტმა" სერიაში ანგარიში გაათანაბრა [VIDEO]![alt](/pictures/image50/5790128613b794023b51d67662f9ae0d.jpg "NBA. სუპერფინალის სიბრძნე: ერთი სტეფ კარი "ტორონტოს" ვერ მოუგებსო [VIDEO]")
NBA. სუპერფინალი: "ტორონტო" შეუჩერებელია [VIDEO]
![მსგავსს იშვიათად ნახავთ - ნიკოლა იოკიჩის დაუჯერებელი ტყორცნა და დამწუხრებული სტეფ კარი [VIDEO]](/pictures/image7/6aa73e14496b5afe793a6369ddb40149.jpg "მსგავსს იშვიათად ნახავთ - ნიკოლა იოკიჩის დაუჯერებელი ტყორცნა და დამწუხრებული სტეფ კარი [VIDEO]")
![სასტარტო ბითაძემ სათადარიგო კარტერს აჯობა - "მეჯიქი" "გოლდენ სტეიტთან" დაძაბულ ბრძოლაში დამარცხდა [VIDEO]](/pictures/image7/b6d4b617c716dfc7f1ba27c85459b64e.jpg "სასტარტო ბითაძემ სათადარიგო კარტერს აჯობა - \"მეჯიქი\" \"გოლდენ სტეიტთან\" დაძაბულ ბრძოლაში დამარცხდა [VIDEO]")
!["კლიპერსის" მორიგი გამარჯვება - ლოსანჯელესურმა გრანდმა მოქმედი ჩემპიონი დაამარცხა [VIDEO]](/pictures/image7/a4f965ca021aab6a68a2a7ca9750c131.jpg "\"კლიპერსის\" მორიგი გამარჯვება - ლოსანჯელესურმა გრანდმა მოქმედი ჩემპიონი დაამარცხა [VIDEO]")
![ბითაძის 7 მოხსნა, 6 პასი, 5 დაფარება და 5 ქულა "ტორონტოსთან" მოგებულ მატჩში [VIDEO]](/pictures/image7/cd194fa1c8fc4e1bac4a772b754634ea.jpg "ბითაძის 7 მოხსნა, 6 პასი, 5 დაფარება და 5 ქულა \"ტორონტოსთან\" მოგებულ მატჩში [VIDEO]")
![სტეფ კარის შოუ "საკრამენტოსთან" და "გოლდენ სტეიტის" პირველი გამარჯვება ახალ სეზონში [VIDEO]](/pictures/image7/59f32ea5ddea3ac357c7f11ccfe04a04.jpg "სტეფ კარის შოუ \"საკრამენტოსთან\" და \"გოლდენ სტეიტის\" პირველი გამარჯვება ახალ სეზონში [VIDEO]")
!["ლეიკერსმა" მაგარი თამაში ჩაატარა, "გოლდენ სტეიტი" დაამარცხა და ფინალში გავიდა [VIDEO]](/pictures/image7/623004260c10caf08939171d54eaba0f.jpg "\"ლეიკერსმა\" მაგარი თამაში ჩაატარა, \"გოლდენ სტეიტი\" დაამარცხა და ფინალში გავიდა [VIDEO]")
