ლავინის 10 სამქულიანი გამარჯვებისთვის საკმარისი არ აღმოჩნდა [VIDEO]

AutoSharing Option
AUTO PLAY
დღეს, 11 იანვარს, "ლოს ანჯელეს კლიპერსმა" "ჩიკაგო ბულზს" უმასპინძლა. მატჩი ძალიან  დაძაბული გამოდგა. გამარჯვება "კლიპერსს" დარჩა, რომელმაც მეტოქე 130:127 დაამარცხა. 

კალიფორნიელების რიგებიდან საუკეთესო კავაი ლეონარდი გახლდათ, რომელმაც 35 ქულა, 2 მოხსნა, 4 შედეგიანი გადაცემა და 3 ჩაჭრა დააგროვა. 

კარგი მატჩი ჩაატარა პოლ ჯორჯმაც, რომელმაც გუნდს 28 ქულა, 7 მოხსნა, 9 შედეგიანი გადაცემა და 2 ჩაჭრა მოუტანა. 

ლუ ვილიამის ანგარიშზე 21 ქულა, 1 მოხსნა, 4 გადაცემა და 3 ჩაჭრა გახლდათ. 

რაც შეეხება "ჩიკაგოს", "ხარების" რიგებიდან ფანტასტიკური მატჩი ჩაატარა ზაკ ლავინმა, რომელმაც არასრულ 42 წუთში თავი 45 ქულას, 7 მოხსნას და 7 შედეგიან გადაცემას მოუყარა.
ზაკმა 16 ნასროლი სამქულიანიდან 10 ზუსტად მოათავსა. 

ახალგაზრდა კობი ვაითის ანგარიშზე 9 ქულა, 8 მოხსნა, 13 შედეგიანი გადაცემა და 1 ჩაჭრა გახლდათ. 

"ჩიკაგო" 4 მოგებითა და 7 მარცხით აღმოსავლეთ კონფერენციაში მე-12 ადგილს იკავებს. 

"კლიპერსი" 7 მოგებითა და 4 მარცხით დასავლეთ კონფერენციაში მე-3 ადგილზე იმყოფება. 

altრა სჭირს "ბრუკლინს"? გუნდის მე-6 მარცხი [VIDEO]

მკითხველის კომენტარები / 0 /
კომენტარი ჯერ არ გაკეთებულა.

სიახლეები პოპულარული