დღეს, 28 იანვარს, "შარლოტ ჰორნეტმა" "ინდიანა პეისერსს" უმასპინძლა. მატჩი სტუმართა გამარჯვებით, 116:106 დასრულდა.
ზედიზედ მეორე მატჩია "პეისერსის" შემადგენლობაში 10 წუთზე მეტი სათამაშო დრო ეძლევა გოგა ბითაძეს. დღევანდელ შეხვედრაში ქართველმა პარკეტზე 10 წუთი დაჰყო, რა დროშიც 2 ქულა, 4 მოხსნა, 2 შედეგიანი გადაცემა და 2 დაფარება დააგროვა. 10 წუთისთვის მშვენიერი სტატისტიკაა.
რაც შეეხება საუკეთესოს, შესანიშნავი მატჩი ჩაატარა დაგ მაკტერმოტმა, რომელმაც 28 ქულა და 5 მოხსნა მიითვალა.
მალკომ ბროგდონმა თავი 25 ქულით, 7 მოხსნით, 6 შედეგიანი გადაცემითა და 1 დაფარებით გამოიჩინა.
სამმაგი დუბლი შეასრულა დომანტას საბონისმა, რომელმაც 22 ქულა, 11 მოხსნა, 10 შედეგიანი გადაცემა და 1 ჩაჭრა დააგროვა. ამასთან ერთად, ევროპელს 5 დაკარგვა ჰქონდა.
აღსანიშნავია მაილის ტერნერის 5 დაფარება. ასევე მის ანგარიშზე 27 წუთში 8 ქულა, 4 მოხსნა და 1 შედეგიანი გადაცემა გახლდათ.
რაც შეეხება "შარლოტს", ერთდროულად 6-მა კალათბურთელმა გადალახა 10-ქულიანი ზღვარი.
საუკეთესო ტერი როზიე გახლდათ, რომელმაც გუნდს 20 ქულა, 4 მოხსნა, 3 შედეგიანი გადაცემა, 1 ჩაჭრა და ამდენივე დაფარება შესძინა.
პიჯეი ვაშინგტომა 18 ქულა, 8 მოხსნა და 4 შედეგიანი გადაცემა მიითვალა.
გორდონ ჰეივორდი ამჯერად 16 ქულას, 1 მოხსნას, 4 შედეგიან გადაცემასა და 1 დაფარებას დასჯერდა.
18 თამაშის შემდეგ 11 გამარჯვებითა და 7 მარცხით "ინდიანა" აღმოსავლეთ კონფერენციაში მე-3 ადგილს იკავებს. რაც შეეხება "შარლოტს", 7 მოგებითა და 11 მარცხით ამავე კონფერენციაში მე-12 ადგილზე იმყოფება.
მომდევნო მატჩში ეს გუნდები კვლავ ერთმანეთს დაუპირისპირდებიან. შეხვედრა 30 იანვარსაა ჩანიშნული.
![alt](/pictures/image50/8b09047cf048b45804ac5884e556406c.jpg "NBA. "ინდიანამ" მოიგო! გოგამ გამარჯვებაში თავისი წვლილი შეიტანა [VIDEO]")
გოგას კარგი თამაში და გამართლებული იმედები! "ინდიანამ" მოიგო [VIDEO]
![ბითაძის შედეგიანი მატჩი და მორიგი ორმაგი დუბლი - "ორლანდო მეჯიქმა" "ფინიქს სანზი" დაამარცხა [VIDEO]](/pictures/image7/519fdd4b7a73cd99eb17522137b13ff6.jpg "ბითაძის შედეგიანი მატჩი და მორიგი ორმაგი დუბლი - \"ორლანდო მეჯიქმა\" \"ფინიქს სანზი\" დაამარცხა [VIDEO]")
![ბითაძის 27 წუთი და "ორლანდო მეჯიქის" ზედიზედ მე-5 გამარჯვება [VIDEO]](/pictures/image7/6c84c5ed2d9b380dcd6726f3f0b8cd19.jpg "ბითაძის 27 წუთი და \"ორლანდო მეჯიქის\" ზედიზედ მე-5 გამარჯვება [VIDEO]")
![ბითაძის 12 ქულა, 12 მოხსნა და "ორლანდოს" ზედიზედ მე-4 გამარჯვება [VIDEO]](/pictures/image7/a64b5a2c97d51333b7dd4bbc12acb694.jpg "ბითაძის 12 ქულა, 12 მოხსნა და \"ორლანდოს\" ზედიზედ მე-4 გამარჯვება [VIDEO]")
![ბითაძის მეორე ორმაგი დუბლი და "ორლანდოს" ზედიზედ მეორე გამარჯვება [VIDEO]](/pictures/image7/7f4aad491147e22f485203e4f400edf3.jpg "ბითაძის მეორე ორმაგი დუბლი და \"ორლანდოს\" ზედიზედ მეორე გამარჯვება [VIDEO]")
![ბითაძის ორმაგი დუბლი ყოფილ გუნდთან - "ინდიანა პეისერსმა" "ორლანდო მეჯიქი" დაამარცხა [VIDEO]](/pictures/image7/ca943054533dd4e51cfeb7007dd0a557.jpg "ბითაძის ორმაგი დუბლი ყოფილ გუნდთან - \"ინდიანა პეისერსმა\" \"ორლანდო მეჯიქი\" დაამარცხა [VIDEO]")
