გოგამ მოედანი ნაადრევად დატოვა, არადა შესანიშნავად თამაშობდა [VIDEO]

დღეს, 6 თებერვალს "ინდიანა პეისერსმა" "ნიუ ორლეანს პელიკანსს" უმასპინძლა. მატში სტუმართა გამარჯვებით 114:113 დასრულდა. 

გოგა ბითაძეს მონდომება უფასდება და მოედანზე დიდ დროს ატარებს, რაზეც შეგვიძლია ვთქვათ კარგად იყენებს. დღევანდელ შეხვედრაში გოგამ პარკეტზე 19 წუთი გააატარა, რა დროშიც 10 ქულა ( 2/4 პერიმეტრიდან, 2/3 ორ ქულიანი), 3 მოხსნა და 2 დაფარება დააგროვა, აღსანიშნავია 6 ჯარიმაც, რის გამოც ქართველმა მოედანი ნაადრევად დატოვა.  გოგას მარგი ქმედების კოეფიციენტი +13 გახლდათ, რითაც ტიჯეი მაკკონელთან ერთად საუკეთესო იყო.

"ინდიანას" რიგებში ყველაზე შედეგიანი ჯასტინ ჰოლიდეი გახლდათ, რომელმაც 22 ქულა, 6 მოხსნა, 4 შედეგიანი გადაცემა და 2 ჩაჭრა დააგროვა. 

ჯერემი ლემბის ანგარიშზე 17 ქულა, 6 მოხსნა, 1 გადაცემა, 3 ჩაჭრა და 2 დაფარება გახლდათ. 

ზემოხსენებულ ტიჯეი მაკკონელს დღევანდელ შეხვედრაში 9 ქულა, 2 მოხსნა, 15 შედეგიანი გადაცემა და 2 ჩაჭრა ჰქონდა. 

რაც შეეხება "პელიკანსს", ბრენდონ ინგრამმა მორიგი ფანტასტიკური შეხვედრა ჩაატარა. ინგრამის ანგარიშზე 30 ქულა, 6 მოხსნა და 7 შედეგიანი გადაცემა გახლდათ. 

პერიმეტრიდან შესანიშნავად ითამაშა ლონზო ბოლმა, რომელმაც 5 სამქულიანი ჩააგდო. რაც შეეხება უშუალოდ სტატისტიკას, ბოლის ანგარიშზე 20 ქულა, 9 მოხსნა, 3 შედეგიანი გადაცემა და 1 დაფარება გახლდათ. 

ზაიონ უილიამსონმა გუნდს 18 ქულა, 4 მოხსნა, 5 შედეგიანი გადაცემა და 3 დაფარება მოუტანა. 

12 გამარჯვებითა და 11 მარცხით "ინდიანა" აღმოსავლეთ კონფერენციაში მე-5 ადგილზე იმყოფება. 

"პელიკანსი" 9 გამარჯვებითა და 12 მარცხით დასავლეთ კონფერენციაში მე-12 ადგილს იკავებს. 

"ინდიანა" მომდევნო მატჩს 7 თებერვალს "იუტა ჯაზის" წინააღმდეგ გამართავს. 

"ნიუ ორლეანსი" ამავე რიცხვში "მემფისს" დაუპირისპირდება. 

საუკეთესო მაჩვენებელი გუნდში - ბითაძემ წუთები ჯეროვნად გამოიყენა [VIDEO]