ბითაძეს ჯოკერის ბანქო ამოუვიდა? ავტორიტეტული გამოცემა გოგას შესაძლო გაცვლაზე წერს

ავტორიტეტულმა გამოცემა Bleacherreport-მა ქართველებისთვის სასიხარულო ინფორმაცია გაავრცელა. შესაძლოა, "ინდიანა პეისერსმა" და "ჰიუსტონ როკეტსმა" ერთმანეთში მოთამაშეები გაცვალონ. 

როგორც ზემოხსენებული საიტი წერს, არაა გამორიცხული, გოგა ბითაძე და ჟერემი ლემბი ერიკ გორდონში გაცვალონ. ამრიგად ქართველი აღმოჩნდება არასაპლეიოფო გუნდში, სადაც თავის გამოჩენის ნამდვილად კარგი შანსი ექნება. საპასუხოდ, "პეისერსი" მიიღებს პერიმეტრიდან კიდევ ერთ შესანიშნავ მსროლელს. შეგახსენებთ, გორდონმა 2017 წელს 3-ქულიანის შეჯიბრება მოიგო - ფინალურ დაპირისპირებაში, არც მეტი, არც ნაკლები, კაირი ირვინგი დაამარცხა. 

ეს ყველაფერი გოგასთვის, რა თქმა უნდა, ძალიან კარგი იქნება, რადგან ახალგაზრდა ცენტრი კარგი დამცველი და სამქულიანის მსროლელია, რასაც სტეფენ სილასი გამოიყენებს. "ინდიანაში" ხშირად არცთუ ისე სოლიდური სათამაშო დრო ეძლეოდა, ვინაიდან ბითაძესთან ერთად გუნდში 2 მაღალი დონის ცენტრი ჰყავდათ, რის გამოც მწვრთნელისგან ცოტა არ იყოს არასამართლიანად მცირე დროს იღებდა. ამ გაცვლის შემთხვევაში კი ქართველი მიიღებს სოლიდურ დროს, გამოავლენს თავის მაქსიმუმს, რაც ტრამპლინი იქნება შედარებით ძლიერ გუნდში გადასასვლელად. 

ეს, რა თქმა უნდა, ვარაუდია, თუმცა გამართლების შემთხვევაში, გოგას ხელმეორე შანსი მიეცემა, რათა თავისი მაქსიმუმი გამოავლინოს. შეგახსენებთ, გაცვლების კვირაში აქტიურად განიხილებოდა ბითაძისა და მაკგის ბარტერი, თუმცა საბოლოოდ, ეს ტრეიდი არ შედგა, ჯავალი კი "დენვერ ნაგეტსში" გადავიდა. 

ბითაძის კარიერის საუკეთესო მატჩი და პირველი ორმაგი დუბლი პლეი-ინში [VIDEO]