ნაციონალურ საკალათბურთო ასოციაციაში მორიგი შეხვედრები გაიმართა.
"მილუოკი ბაქსმა" "გოლდენ სტეიტ უორიორსს" უმასპინძლა და 118:99 დაამარცხა.
მასპინძელთა მხრიდან სანდრო მამუკელაშვილმა მოედანზე 6 წუთი დაჰყო, რა დროშიც აქტივში 1 შედეგიანი გადაცემა ჩაიწერა.
საუკეთესო იანის ანტეტოკუნმპო გახლდათ, რომელმაც თავი 30 ქულით, 12 მოხსნით, 11 შედეგიანი გადაცემითა და 3 დაფარებით გამოიჩინა.
კრის მიდლტონმა 23 ქულა, 5 მოხსნა, 7 შედეგიანი გადაცემა და 1 ჩაჭრა მიითვალა.
"უორიორსის" შემადგენლობიდან ენდრიუ უიგინსმა გუნდს 16 ქულა, 2 მოხსნა, 1 შედეგიანი გადაცემა და 1-იც დაფარება შესძინა.
სტეფ კარიმ და კლეი ტომპსონმა ჯამში 23 ქულა ჩააგდეს.
ამრიგად, "ბაქსი" 27 გამარჯვებითა და 17 წაგებით აღმოსავლეთ კონფერენციაში მე-4 ადგილზე იმყოფება. მომდევნო შეხვედრას 16 იანვარს, "ტორონტო რეპტორსის" წინააღმდეგ გამართავს.
"გოლდენ სტეიტი" 30 მოგებითა და 11 მარცხით დასავლეთში მე-2 პოზიციას იკავებს, შემდეგ მატჩს კი 15 იანვარს, "ჩიკაგო ბულზის" პირისპირ ჩაატარებს.
![alt](/pictures/image50/af338e7d6a30ad197aa6a4b5b1ba9667.jpg ""გოლდენ სტეიტმა" იანისი ვერ გააჩერა! სანდროს გუნდმა ერთ-ერთ ფავორიტს გადაურბინა")
მამუკელაშვილის საუკეთესო შედეგი და დრო [VIDEO]
!["ჩემს ძმას, სანდრო მამუკელაშვილს, საუკეთესო სურვილებით" - ვინისიუს ჟუნიორმა ქართველ კალათბურთელს მაისური აჩუქა [PHOTO]](/pictures/image7/d5a72ed4d052b4bb1a52fdb9b5e41502.png "\"ჩემს ძმას, სანდრო მამუკელაშვილს, საუკეთესო სურვილებით\" - ვინისიუს ჟუნიორმა ქართველ კალათბურთელს მაისური აჩუქა [PHOTO]")
![მამუკელაშვილის 16 წუთი და ვემბანიამას ფენომენალური მატჩი - "სან ანტონიო სპურსმა" "საკრამენტო კინგსი" დაამარცხა [VIDEO]](/pictures/image7/f23b6d776512204cee5bdf9332d1bc0b.png "მამუკელაშვილის 16 წუთი და ვემბანიამას ფენომენალური მატჩი - \"სან ანტონიო სპურსმა\" \"საკრამენტო კინგსი\" დაამარცხა [VIDEO]")
![მამუკელაშვილის სეზონის საუკეთესო მატჩი - "სან ანტონიო სპურსმა" "იუტა ჯაზი" დაამარცხა [VIDEO]](/pictures/image7/809e6ab642ef7f39174e0976f458e9c7.jpg "მამუკელაშვილის სეზონის საუკეთესო მატჩი - \"სან ანტონიო სპურსმა\" \"იუტა ჯაზი\" დაამარცხა [VIDEO]")
