ნაციონალურ საკალათბურთო ასოციაციაში პლეი-ინის დარჩენილი 2 შეხვედრა გაიმართა.
"მაიამი ჰიტმა" "ჩიკაგო ბულზსს" უმასპინძლა და 102:91 დაამარცხა.
მასპინძელთა მხრიდან ჯიმი ბატლერმა და მაქს შტურსმა თანაბარი 31-31 ქულა ჩააგდეს.
"ჩიკაგოს" შემადგენლობიდან დემარ დეროუზანმა 26 ქულა, 4 მოხსნა, 9 შედეგიანი გადაცემა და 1 ჩაჭრა მიითვალა.
ამრიგად, "ჰიტი" პლეი-ოფში გავიდა და "მილუოკი ბაქსს" შეხვდება, "ბულზსისთვის" კი სეზონი დასრულებულია.
პლეი-ინის მეორე შეხვედრაში "მინესოტა ტიმბერვულვზმა" "ოკლაჰომა სიტი თანდერი" და მარტივად 120:95 დაამარცხა.
მასპინძელთა შემადგენლობიდან კარლ ენტონი თაუნსმა 28 ქულა, 11 მოსხნა, 3
შედეგიანი გადაცემა და ამდენივე დაფარება მიითვალა.
ენტონი ედვარდსმა 19 ქულა, 10 მოხსნა, 6 შედეგიანი გადაცემა, 2 ჩაჭრა და 1 დაფარება დააგროვა.
სტუმართა მხრიდან შაი გილჯეს-ალექსანდერმა აქტივში 22 ქულა, 7 მოხსნა, 3 შედეგიანი გადაცემა, 1 ჩაჭრა და 3 დაფარება ჩაიწერა.
ლუგენტს დორტმა და ჯეილინ უილიამსმა თანაბარი 17-17 ქულა ჩააგდეს.
ამრიგად, "ტიმბერვულვზი" პლეი-ოფში გავიდა, სადაც "დენვერ ნაგეტსს" შეხვდება, "ოკლაჰომამ" კი სეზონი დაასრულა.
პლეი-ოფის შეხვედრები: (პირველი მატჩები)
აღმოსავლეთ კონფერენცია:
"ფილადელფია" - "ბრუკლინ ნეტსი" (15 აპრილი - 21:00 საათი)
"ბოსტონ სელტიკსი" - "ატლანტა ჰაუქსი" (15 აპრილი - 23:30 საათი)
"კლივლენდ კავალიერსი" - "ნიუ იორკ ნიქსი" (16 აპრილი - 02:00 საათი)
"მილუოკი ბაქსი" - "მაიამი ჰიტი" (17 აპრილი - 01:30 საათი)
დასავლეთ კონფერენცია:
"დენვერ ნაგეტსი" - "მინესოტა ტიმბერვულვზი" (17 აპრილი - 06:30 საათი)
"მემფის გრიზლი" - "ლოს ანჯელეს ლეიკერსი" (16 აპრილი - 23:00 საათი)
"საკრამენტო კინგსი" - "გოლდენ სტეიტ უორიორსი" (16 აპრილი - 04:30 საათი)
"ფინიქს სანსი" - "ლოს ანჯელს კლიპერსი" (17 აპრილი - 04:00 საათი)
