საქართველოს კალათბურთის ეროვნული ფედერაციის მიერ შემუშავებულ პროგრამას შეუერთდა აჭარის კალათბურთის რეგიონალური ფედერაცია. ორწლიანი მუშაობის შემდეგ კალათბურთის განვითარების პროგრამაზე მუშაობა საქართველოს კალათბურთის ეროვნულმა ფედერაციამ მიმდინარე წელს დაასრულა და მისი განხორციელება რეგიონებიდან დაიწყო.
კახეთის, შიდა ქართლის და სამეგრელოს კალათბურთის ფედერაციების შემდეგ აღნიშნულ პროგრამას აჭარის ავტონომიური რესპუბლიკის კალათბურთის ფედერაციაც შეუერთდა.
საქართველოს ეროვნულ და აჭარის რეგიონალურ კალათბურთის ფედერაციებს შორის პროგრამის ფარგლებში თანამშრომლობა მემორანდუმის გაფორმებით გამყარდა.
დოკუმენტს ხელი საქართველოს კალათბურთის ეროვნული ფედერაციის პრეზიდენტმა მიხეილ გაბრიჩიძემ და აჭარის ავტონომიური რესპუბლიკის კალათბურთის ფედერაციის პრეზიდენტმა გოდერძი კორძაძემ მოაწერეს.
მემორანდუმის
თანამშრომლობა მიზნად ისახავს რეგიონში სპორტის ამ სახეობაში ახალგაზრდების ჩართულობის გაზრდას, სახსრების მოზიდვასა და მათ რაციონალურად გადანაწილებას, რათა აჭარაში კალათბურთი ყველა მოზარდისთვის ხელმისაწვდომი გახდეს.
შესაბამისად, არ მოხდეს ნიჭიერი ახალგაზრდების თვალთახედვის არეალს მიღმა დარჩენა და ამ რეგიონის საკალათბურთო რესურსი და პოტენციალი მაქსიმალურად იქნეს ათვისებული.
მომზადებულია gbf.ge-ს მიხედვით
