ჰოლანდიის ნაკრებმა მსოფლიოს ჩემპიონატის შესარჩევ ჯგუფში უახლოეს მდევარ უნგრეთს 8 ქულით გაასწრო და მომავალ წელს ბრაზილიაში გასამართი მსოფლიოს ჩემპიონატის საგზური გაინაღდა. "ნარინჯისფერებისთვის" ეს სულაც არ ნიშნავს ბრძოლის დასასრულს. ლუის ვან გაალის გუნდი დარჩენილ შეხვედრებში იმავე უნგრელებთან და თურქებთან მაქსიმალურად შეეცდება სამ-სამი ქულის აღებას, რათა საკუთარ უპირატესობას კიდევ ერთხელ გაუსვას ხაზი.
ჰოლანდიელებმა დებიუტიდანვე ჩაიგდეს ხელთ უპირატესობა. მოედანზე ერთ-ერთი საუკეთესო იყო ნაკრებში დაბრუნებული ვესლი სნეიდერი. 29 წლის ნახევარმცველს მე-5 წუთზევე შეეძლო ანგარიშის გახსნა, თუმცა ძელს სანტიმეტრებში ააცილა.
აქტიური იყო რობინ ვან პერსი.
იხილეთ ვიდეო
ანდორა ერთადერთ გუნდად რჩება, ვისაც შესარჩევ ეტაპზე ჯერ ერთი გოლიც კი არ აქვს გატანილი.
მატჩის შემდგომ
ლუის ვან გაალი (ჰოლანდიის ნაკრების მწვრთნელი): "ამ ეტაპზე ჰოლანდიის ნაკრები სამომავლო პერსპექტივებზე გათვლით შენდება.
გუნდში ძალიან ბევრი ახალგაზრდა მოთამაშეა, რომელსაც წინ გრძელი და წარმატებული კარიერა ელოდება. ჩვენს თამაშს იდეალურს ნამდვილად ვერ ვუწოდებდი, მაგრამ ამის მისაღწევად ბევრს ვშრომობთ.
ვფიქრობ, მსოფლიოს ჩემპიონატზე მინიმუმ ჯგუფიდან აუცილებლად გავალთ. უფრო მეტზე კი, მოდი, შემდეგ ვილაპარაკოთ".
ყოველდღიური სპორტული გაზეთი "ლელო"
ასევე იხილეთ:
მუნდიალი 2014. შესარჩევი ეტაპი. ევროპა: ჰოლანდიამ და იტალიამ ბრაზილია გაინაღდეს [VIDEO]
