<p>მატჩის დასრულებამდე 2 წუთით ადრე, ‘ლელო-სარასენსმა’ პატარძეულის ‘ვეფხვებს’ გამარჯვების ლელო გაუტანა და დიდი 10-ის დებიუტანტს ზეიმი არ დააცალა.</p><p>28:25 - ასე დასრულდა დიდ დიღომში, „ლელო არენაზე“ გამართული მატჩი და მასპინძლებმა ზედიზედ მეორედ იმარჯვეს 3 ქულის სხვაობით, ხოლო ‘ვეფხვებმა’ კიდევ ერთხელ დაამტკიცა, რომ უძლიერესებში ხელწამოსაკრავი გუნდი არავისთვის იქნება და დიდ 10-ში პირველი ქულა ჩაიწერა.</p><p>თამაში მაღალ ტემპში წარიმართა და კარგი საყურებელი გამოდგა. ამაში დიდი წვლილი სწორედ კახელებს მიუძღვით, რომლებმაც საკუთარი ძალების ირწმუნეს, ნაადრევად მიღებული 2 ლელოს მიუხედავად ფარ-ხმალი არ დაყარეს და მცირედი მარცხისთვის ბონუსიც ალალად დაიმსახურეს.</p><p>სტუმრების მთავარ პრობლემას დერეფანში არაზუსტი თამაში წარმოადგენდა, რასაც პირველი ლელოც მოყვა. მე-7 წუთზე პატარძეულელები საკუთარ 22-ში შეცდნენ, მერაბ კვირიკაშვილი ორ მცველს შორის გაძვრა, შებოჭილმა ბურთი ბექა მამუკაშვილს ამოუგდო და მისი ლელო გარდასახა. მე-14 წუთზე რევაზ ჯინჯიხაძემ კარის წინ გაჭრა ხაზი და ლელომდე 20 მეტრი ირბინა, ხოლო კვირიკაშვილის დარტყმა ამჯერადაც ზუსტი იყო - 14:0.</p><p>‘ვეფხვებმა’ 2 წუთში 70-მეტრიანი შეტევით და ლამაზი ლელოთი უპასუხა. იერიში გიორგი ბებიაშვილმა წამოიწყო, რომელმაც ხაზი გაჭრა და ბურთი საკუთარი 22-იდან მეტოქის 22-მდე ჩაიტანა, რამდენიმე დარტყმის შემდეგ ხაზი ერთხელაც გაიჭრა და ბექა არველაძის ლელო ლაშა გურგენიძემ გარდასახა. სტუმრები ინიციატივას დაეუფლნენ, 22-ე წუთზე დერეფნიდან კიდევ ერთი კარგი შეტევა წამოიწყეს, მორკინალებმა ყველა ჯერზე შეძლეს უპირატესობის ხაზის გადალახვა ზედ ლელოსთან მურაზ გიორგაძის მიძალება 5 ქულის მომტანი აღმოჩნდა, ხოლო გურგენიძემ წონასწორობა აღადგინა - 14:14.</p><p>29-ე წუთზე ‘ვეფხვები’ წინ გაიჭრა: გურგენიძემ ფეხით გადაკიდებული ბურთი თავის 22-თან აიღო, მოკლეზე გადაიკიდა და სიჩქარე აკრიფა, მას კარგად მიყვნენ თანაგუნდელები, ბურთიც საპირისპირო ფრთამდე ჩათამაშდა და რეზი ბროძელმა პატარძეულელები წინ გაიყვანა. ‘ლელო-სარასენსი’ მოვლენების ასეთ განვითარებას არ შეეგუა, მაღალ ტემპში შეუტია, კვირიკაშვილმა მოშიშვლებულ ზურგში ბურთი ფეხით შაცურა და მას ჯინჯიხაძე მიყვა, ხოლო მეკომ გარდასახვით ტაიმის ანგარიში დააფიქსირა - 21:19.</p><p>მეორე ტაიმი სტუმრების იერიშებით დაიწყო და გურგენიძეს ჯერ არეკნი გაუცუდდა, მაგრამ მერე ჯარიმა გაიტანა. 53-ე წუთზე ლაშამ თითქმის 40 მეტრიდან არეკნიც ზუსტად შეასრულა და ‘ვეფხვები’ 25:21 დაწინაურდა. ეს ანგარიში დიდი ხნის განმავლობაში შენარჩუნდა, კახელები ლელოს საგულდაგულოდ იცავდნენ, მაგრამ 78-ე წუთზე ‘ლელო-სარასენსმა’ 5-მეტრიანი დერეფის შემდეგ მოლი დააყენა, მოკლე ფრთაზე თორნიკე ახობაძემ შეუტია და მისი ლელო ირაკლი ყიასაშვილმა ურთულესი პოზიციიდან გარდასახა და მატჩი მასპინძლების გამარჯვებით დასრულდა - 28:25.</p><p><strong>მომზადებულია rugby.ge-ს მიხედვით</strong><br></p>
mitro
რა მაინტერესებს გადავქექე ყველაფერი და ვერსად ვნახე ახალი ინფორმაცია იმასთან დაკავშირებით რომ ჩვენი გუნდი თუ თამაშობს ევროაზე რომელიმე თუ მიიღეს დაფინანსება ან რა სტადიაზეა.. არსად არაფერი არ არის და იქნება ჟურნალისტებმა რამე გამოქექოთ!!
912
მაგრები ხართ ვეფხვებო
crocobet დიდი 10-ის ფინალი | სამი წლის შემდეგ - "ბათუმი" საქართველოს ჩემპიონია!
დიდი 10 | ბათუმი 33:21 ხარები
დიდი 10 | "აია" საქართველოს ჩემპიონია!
"შავი ლომი" | "მონპელიე" და "ძებრე" თბილისში, "ქონახთი" და "მონტობანი" სტუმრად
ჯორდან ჰენდერსონი პრემიერ ლიგას დაუბრუნდა
ვინისიუსი “რეალს” ახალ კონტრაქტზე ვერ უთანხმდება
ვესლი სნეიდერის შვილმა პირველი პროფესიონალური კონტრაქტი გააფორმა
ოფიციალურად - მოდრიჩი "მილანის" ფეხბურთელი გახდა
"კეთილი იყოს თქვენი მობრძანება" - პორტუგალიური კლუბი ლომინაძეს ქართულად მიესალმა
ლუის ენრიკე: რთულ მომენტებში ცხადი ხდება, ვინაა შენს გვერდით და ვინ - არა
Ballon d'Or 2025. რეიტინგი განახლდა - კვარაცხელია პრეტენდენტთა შორისაა
ხვიჩას თანაგუნდელს პსჟ-ს დატოვება უნდა
U20. საქართველოს ნაკრებმა ესპანეთს სძლია და მეცხრე ადგილისთვის ფინალში ითამაშებს
ტრამპი "ჩელსის" დიდი ფანია - ჯეიმსმა მას თასის აღმართვის ნებართვა სთხოვა
ნევეში და ლუის ენრიკე შეიძლება დასაჯონ
"ფეხბურთი საუდის არაბეთთან დავთმეთ" - ბლატერი ფიფას აკრიტიკებს
"წელს დემბელეს, გაისად კი - იამალს" - ბარსელონას ყოფილი ფეხბურთელის განცხადება
"რეალმა" როდრიგოს სატრანსფერო ფასი დაასახელა
როგორ მიიღება კვარაცხელიას საუკეთესო ვერსია - პსჟს წაგების მიზეზები
თავისი მაინც გაიტანა - დიოკერეში უახლოეს საათებში "არსენალის" ფეხბურთელი გახდება
"მაშინ ჩემთვის რომ დაერტყა, ცოცხალი აღარ ვიქნებოდი" - სერ ალექს ფერგიუსონმა საინტერესო ისტორია გაიხსენა
"მისი საქციელი ამაზრზენია" - იამალი სერიოზულ სკანდალში გაეხვია
"ფინალები მიყვარს და ეს კვლავ დამტკიცდა" - პალმერი მატჩის შემდეგ
გიორგი ჭყოიძე: ლელო ჩემი ოჯახია!
დიდი 10: "ლელო-სარასენსმა" ზედიზედ მესამე გამარჯვება მოიპოვა
დიდი 10: დაუმარცხებელი არავინ დარჩა
"იუნკერები" დიდ 10-ში აღზევდა, "ბაგრატი" კი ლიგაში დარჩა
დიდი 10: "ყოჩებმა" და "ლელო-სარასენსმა" ქულები გაიყვეს
პატარძეულის "ვეფხვების" სამი გუნდი გერმანიაში გაემგზავრება
დიდი 10: "ლელო-სარასენსმა" "აკადემია" 14:13 დაამარცხა
დიდი 10: "ბათუმმა" "ვეფხვები" 25:0 დაამარცხა
დიდი 10: მარნეულის "არმაზმა" პატარძეულის "ვეფხვები" 55:15 დაამარცხა
დიდი 10: პატარძეულის "ვეფხვებმა" წელი დიდი გამარჯვებით დაასრულა
"პატარძეული" ელიტაში ითამაშებს
დიდი 10: "აიამ" "ლელო-სარასენსს" 4 ლელო გაუტანა