იაპონურმა კლუბმა "სანტორი სანგოლიათმა" საკუთარ ოფიციალურ "ტვიტერის" გვერდზე გამოაქვეყნა ინფორმაცია, რომლის თანახმადაც, საქართველოს რაგბის ეროვნული ნაკრების მწვრთნელი მილტონ ჰეიგი მათი გუნდის მწვრთნელი გახდება.
"სანტორი სანგოლიათი" იაპონიის ტოპ-ლიგაში ასპარეზობს და ერთ-ერთი გამორჩეული გუნდია. ტოპ-ლიგის ჩემპიონი 5-ჯერ გახდა, უკანასკნელად პირველი ადგილი წინა სეზონში დაიკავა.
მილტონ ჰეიგი კი საქართველოს რაგბის ეროვნული ნაკრების მწვრთნელი 2011 წლიდან არის. ჯერ ოფიციალური განცხადება აღნიშნულ საკითხთან დაკავშირებით არც თავად ჰეიგს და არც საქართველოს რაგბის კავშირს არ გაუკეთებიათ.
შეგახსენებთ, რომ ადრე გავრცელდა ინფორმაცია, რომ მილტონ ჰეიგი "ბორჯღალოსნებს" მსოფლიო თასის
შემდეგ დატოვებს და იაპონურ კლუბს ჩაუდგება სათავეში.
მილტონ ჰეიგი მსოფლიოს თასის შემდეგ საქართველოს ნაკრებს დატოვებს?
![საქართველოს ნაკრებმა ტონგას 22:7 მოუგო [VIDEO]](/pictures/image7/9d0db8b81489c848be9a94f86e43ecf0.jpg "საქართველოს ნაკრებმა ტონგას 22:7 მოუგო [VIDEO]")
![დიდებული პირველი ტაიმის შემდეგ საქართველოს ნაკრები იტალიასთან დამარცხდა [VIDEO]](/pictures/image7/76b9fbee4c9a672a0528d182d6155e68.jpg "დიდებული პირველი ტაიმის შემდეგ საქართველოს ნაკრები იტალიასთან დამარცხდა [VIDEO]")
უცნაურია რომ იაპონლებს ეს შეშლოდათ. არც ჰეიგი ჩანს ასე სულსწრაფი.
ასე ნაადრევად გახმაურებას მხოლოდ უარყოფითი ეფექტი თუ ექნება: იაპონლებს და კლუბს არაფერი ემატება, ხოლო ნაკრებზე და ჩვენზე,გულშემატკივარზე, დადებითად ნამდვილად არ იმოქმედებს.
ამ კაცმა ჩვენთვის რაც გააკეთა, მადლობის მეტი არაფერი გვეთქმის. ერთგულად ემსახურა ქართულ რაგბს და შეიყვარა ქართველი ხალხი.
წარმატებები მელიტონ, სადაც არ უნდა იყო!