დღეს, 25 სექტემბერს, რაგბის მსოფლიო თასის D ჯგუფის შეხვედრაში ერთმანეთს ფიჯისა და ურუგვაის ნაკრები გუნდები დაუპირისპირდნენ და წლევანდელი მსოფლიო ჩემპიონატის პირველი სენსაციაც ვიხილეთ - ურუგვაიმ ფიჯი ანგარიშით 30:27 დაამარცხა. მოგეხსენებათ, ეს საქართველოს ნაკრების ქვეჯგუფია.
ანგარიში ფიჯელებმა გახსნეს. მე-7 წუთზე სამხრეთამერიკელთა ჩათვლის მოედანში ბურთი დოლოკოტომ დაამიწა, თუმცა ურუგვაელებმა კუნძულელებს 7 წუთში უპასუხეს არატას ლელოთი, ბერჩესიმ გარდასახვაც სწორად შეასრულა და ურუგვაი დაწინაურდა - 7:5.
ფიჯელები წინ მე-18 წუთზე გავიდნენ. ლელო მავიმ დადო, ხოლო გარდასახვა ამჯერად მატავესიმ სწორად შეასრულა - 12:7. თუმცა ამის შემდეგ პირველ ნახევარში ურუგვაელებმა 2 ლელო დადეს, მარჩესიმ 2-ვე გარდასახვა ზუსტად შეასრულა, ზედ ჯარიმაც მიაყოლა და ურუგვაიმ პირველი ტაიმი 12 ქულით მოიგო - 24:12.
მეორე ნახევარში ფიჯელებმა სამი ლელო დადეს, თუმცა ვერცერთი გარდასახვა ვერ გაიტანეს. ურუგვაიმ კი 2 ჯარიმა შეასრულა ზუსტად, რაც გამარჯვებისთვის საკმარისი აღმოჩნდა.
მართალია, ბოლო წუთზე ოკეანელებმა დადეს ლელო, თუმცა ამან მხოლოდ დამატებით 1 ბონუს ქულა მოუტანა მათ. აღსანიშნავია, რომ ფიჯელებმა ძირითადი შემადგენლობის მოთამაშეები თავიდან დაასვენეს, თუმცა მარცხისაგან ვერც მათ მოედანზე გამოსვლამ იხსნა.
ამ შეხვედრის შემდეგ ფიჯის 2 თამაში და 2 წაგება აქვს, თუმცა 2 ქულა აქვს მოპოვებული. 1 ქულა 7-ზე ნაკლები სხვაობით მარცხის გამო მიიღეს, 1 ქულაც - 4 ან მეტი ლელოს დადებისათვის. ურუგვაისთვის ეს პირველი მატჩის იყო 2019 წლის მსოფლიო თასზე და 4 ქულით სამხრეთამერიკელები მე-3 პოზიციაზე იმყოფებიან.
შედეგის მიუხედავად, ფიჯი გაცილებით უფრო ძლიერი გუნდია, ვიდრე ურუგვაი. საქართველოს ნაკრებს ფიჯის დამარცხება უფრო გაუჭირდება, ვიდრე ურუგვაის. თუ ყველაფერი ლოგიკურად განვითარდა ჯგუფში, პროგრამა მინიმუმის შესასრულებლად და მესამე ადგილის დასაკავებლად, შესაძლოა, ბორჯღალოსნებისთვის ურუგვაის დამარცხებაც საკმარისი აღმოჩნდეს.
შეგახსენებთ, 29 სექტემბერს საქართველოს ნაკრები სწორედ ურუგვაის ეროვნულ გუნდს შეხვდება. თამაში თბილისის დროით 09:15 საათზე დაიწყება.
2 ლელო 6-ის წინააღმდეგ - "ბორჯღალოსნები" უელსთან დამარცხდა [VIDEO]
6 ერი? - საქართველომ ვერ აჩვენა, რომ ამას იმსახურებს - ბრიტანული გამოცემა
ოპერატორი, რომელიც ბევრ მორაგბეზე უფრო სწრაფად დარბის [VIDEO]
![ისევ დრამა - უმოტივაციო პორტუგალიამ წააგო, სამხრეთ კორეა გავიდა, ურუგვაი კი ჯგუფში ჩარჩა [VIDEO]](/pictures/image7/53ff8e82e9be302f4586f6aca46a5d82.png "ისევ დრამა - უმოტივაციო პორტუგალიამ წააგო, სამხრეთ კორეა გავიდა, ურუგვაი კი ჯგუფში ჩარჩა [VIDEO]")
![პორტუგალიამ ურუგვაის მოუგო და მერვედფინალშია - პირველი გოლი რონალდომ გაიტანა თუ ბრუნომ? [VIDEO]](/pictures/image7/610ddf5704a92fca55b90b98c16e1abb.jpg "პორტუგალიამ ურუგვაის მოუგო და მერვედფინალშია - პირველი გოლი რონალდომ გაიტანა თუ ბრუნომ? [VIDEO]")
![მომენტი, რომელიც გულგრილს არავის დაგტოვებთ - ურუგვაის თავისი გმირი ჰყავს [VIDEO]](/pictures/image7/1f4a200ec2b8143e4a2f43fc0bcce4ac.jpg "მომენტი, რომელიც გულგრილს არავის დაგტოვებთ - ურუგვაის თავისი გმირი ჰყავს [VIDEO]")
უელსთან-#1 გუნდთან რეიტინგით და 6 ერის მოქმედ ჩემპიონთან თუნდაც ამ ანგარიშით და ამ თამაშის ხარისხით წაგება სულ არაა ტრაგედია და პესიმიზმის საფუძველი. ჩვენ მომდევნო 2 თამაში უნდა ჩავატაროთ უმაღლეს დონეზე და ბოლო თამაშში ვიმეცადინოთ, სხვა საშუალებას მეცადინეობისთვის არ გვაძლევენ გამოკონსერვატებული რაგბის მამები და ბობოლები. მოკლედ რაც გინდათ ის იფიქრეთ ოღონდ კრიტიკასა და შეურაცხყოფას შორის არ დაგერღვეთ საზღვარი, ბოლო-ბოლო ყველაზე მაგარ პატრიოტ ბიჭებზე ვსაუბრობთ!
ისე ცუდი არ იქნება მილტონმა ურუგვაის მწვრთნელს მიბაძოს ნაკლები იბაქიბუქოს და გაკეთებული საქმე მოედანზე გვანახოს !
4 დღემ არ შეგიყვანოთ შეცდომაში მეგობრებო ურუგვაი ამ მსოფლიოზე ჩვენთან სათამაშოთ ჩამოვიდა !
წარმატებები მინდა უსურვო ჩვენს ბიჭებს
გირჩევთ ახლიდან უყუროთ ურუგვაის-ფიჯის ასპარეზობას,დატკბით და ისწავლეთ რაგბის თამაშის ყურებით
სამწუხაროდ სანამ ახალზელანდია-სამხრეთაფრიკის თამაშის სტრატეგიას ახიქვავ და ეცდები რომ მიბაძო ჯერ ეს უნდა შეიცნო და დაიმახსოვრო რაც ამ თამაშში იხილე
საერთოდ სწავლა გასაგებიდან იწყწბა მარტივად და ბოლოს რთულდება
ვიმედოვნებ რომ გაიგე
მაშინ შანსი არ გვექნება არაფრის....
არ არის ეს ლობჟანიძე 9 ნომერი და რით ვერ შეიგნო ამ ჰეიგმა....
დააყენოს თავიდანვე აფრასიძე !!
სისწრაფე არის შედეგის მომტანი მხოლოდ და მხოლოდ.
კიდევ ეს ბურთის გადაკიდება 30 მეტრზე თან მოედნის ცენტრში სულ რა უვიცობაა..
თუ ურტყამ დაარტყი კიდეზე რა...
მოკლედ გვინდა 9 ნომერი თავიდანვე ნორმალური და არა ისეთი რო ნაკრები მოუნდეს მთელი მეორე ტაიმი მისი შენელებული თამაშის გამოსწორებას..!!
დანარჩენი ყველაფერი ნორმალურადაა...
ვიწყებთ აფრასიძით და შემოგვყავს ლობჟანიძე მეორე ტაიმში..