რაგბის 2019 წლის მსოფლიო თასზე საქართველოს ნაკრების წინააღმდეგ გასამართი მატჩის წინ ფიჯის ეროვნული გუნდის ახალზელანდიელმა მთავარმა მწვრთნელმა ჯონ მაქკიმ მოკლე კომენტარი გააკეთა. "საქართველოს წინააღმდეგ შეხვედრა ამ ჯგუფის მთავარი მატჩი იყო ჩვენთვის და არაფერი შეცვლილა. ძალიან ბევრი რამ არის დამოკიდებული ამ თამაშზე, რადგან მესამეადგილოსანი ავტომატურად ინაღდებს მომდევნო, 2023 წლის მსოფლიო თასზე თამაშს".
ფიჯის რაგბის ოფიციალური საიტი აღნიშნავს, რომ დაუნდობელ ქართველ ფორვარდებს ფიჯი საკუთარ სასტიკ პაკეტს შესთავაზებს.
"ჩვენ ვიცით ქართველების ძლიერი მხარეები
და კარგად ვართ მომზადებულები რაქში სათამაშოდ. ასევე, ყურადღებას გავამახვილებთ შერკინებიდან და აუტიდან გაშლილ თამაშში შემოსულ ბურთზე", - დაამატა მწვრთნელმა.
განწყობაზე საუბრობდა ფიჯელთა უკანახაზელი კინი მურიმუვალუ:
"გუნდი ისევ ფოკუსირებული და მოტივირებულია, რათა კარგად ვითამაშოთ და როგორც სამშობლოში მყოფი, ისე მთელ მსოფლიოში მცხოვრები ფიჯელები გავახაროთ".
მატჩი 3 ოქტომბერს, 09:15 საათზე დაიწყება. ფიჯელთა 15-ეული "ბორჯღალოსანთა" წინააღმდეგ ქვევით მოცემულ სტატიაში შეგიძლიათ იხილოთ.
მომზადებულია fijirugby.com-ის მიხედვით
"ბორჯღალოსნების" შემადგენლობა ფიჯისთან - მილტონ ჰეიგმა 11 ცვლილება განახორციელა
![საქართველო - რუმინეთი (საუკეთესო მომენტები) [VIDEO]](/pictures/image7/25e381df6879e786b121ea013de25499.jpg "საქართველო - რუმინეთი (საუკეთესო მომენტები) [VIDEO]")
![კაცნაკლულმა "ბორჯღალოსნებმა" რუმინეთს სძლიეს და რაგბი ევროპის ჩემპიონატი მოიგეს [VIDEO]](/pictures/image7/a5e0334f9a53ded3ddb44052b15b2200.jpg "კაცნაკლულმა \"ბორჯღალოსნებმა\" რუმინეთს სძლიეს და რაგბი ევროპის ჩემპიონატი მოიგეს [VIDEO]")
