დიდი პატივი - "ბორჯღალოსნები" მანდელას დღეობაზე, "მანდელას" სტადიონზე, სამხრეთ აფრიკას შეხვდება

AutoSharing Option
სამხრეთ აფრიკის რაგბის კავშირის გადაწყვეტილებით, 18 ივლისს, ნელსონ მანდელას იუბილეზე (დაიბადა 1918 წლის 18 ივლისს), "ბორჯღალოსნებისა" და "სპრინგბოკის" ტესტ-მატჩი პორტ-ელიზაბეტში, "ნელსონ მანდელა ბაი სთედიუმზე" გაიმართება.

მსოფლიოს მოქმედმა ჩემპიონმა 2020 წლის საშინაო მატჩების (ტესტების და 4 ერის) მასპინძელი ქალაქები დაასახელა. სამხრეთ აფრიკასთან "ბორჯღალოსნები" პირველ, ისტორიულ ტესტს გამართავს და ნელსონ მანდელას ხსოვნის პატივსაცემად, მას მისი სახელობის სტადიონი უმასპინძლებს, რაც საქართველოს ნაკრებისთვის დიდი პატივია.

Sportall.Ge

"ნელსონ მანდელა ბაი სთედიუმი" ოფიციალურად 2010 წელს გაიხსნა და ის 48 ათას მაყურებელს იტევს. ცნობილია, რომ პორტ-ელიზაბეტში "სპრინგბოკის" შეხვედრები
მუდამ სავსე ტრიბუნების წინაშე იმართება და სამხრეთ აფრიკის რაგბის კავშირში დარწმუნებულნი არიან, რომ ამჯერადაც ასე იქნება.

"ბორჯღალოსნებს" სამხრეთ აფრიკასთან აქამდე ერთხელ, 2003 წლის მსოფლიო თასზე უთამაშია. ამ შეხვედრაში ჩვენმა გუნდმა პირველი ლელო გაიტანა მსოფლიო თასზე. თავი დავით დადუნაშვილმა გამოიჩინა, შეხვედრა კი მეტოქემ 46:19 მოიგო. "ბოკეს" 18 ივლისს პირველად შევხვდებით მსოფლიო თასს მიღმა.

მომზადებულია rugby.ge-ს მიხედვით

მკითხველის კომენტარები / 9 /
გოგა, მაგარი ჩასაფრებული ხარ. ვინ რა გაწყენია ასეთი.
ზაალ
01:34 08-02-2020
0
ზომბი, მანდელას მაგ ტიპებთან, კანის ფერის გარდა, არაფერი აქვს საერთო. დარწმუნებული ვარ, ეს თვითონაც იცი, მაგრამ რატომღაც ღლიცინებ.
გულშემატკივარი
05:17 06-02-2020
2

სიახლეები პოპულარული