<p>ბორჯღალოსანთა ნაწილმა შემოდგომის ტესტ-მატჩებისთვის მზადების პირველი ეტაპი დაასრულა. თბილისში მყოფი მორაგბეები და სამწვრთნელო შტაბის წევრები 11 ოქტომბერს საფრანგეთში გაემგზავრნენ, სადაც მათ მსოფლიო რაგბის მე-9 რეგულაციის თანახმად, სამი დღით ლეგიონერები შეუერთდებიან.</p><p>ნაკრების მთავარი მწვრთნელი ლევან მაისაშვილი ამბობს, რომ შოტლანდიასთან მატჩამდე სრულ შემადგენლობას სქემების დასახვეწად სულ ხუთი ვარჯიში ექნება:</p><p>„მოსამზადებელი ეტაპი დიდი ხანია დავიწყეთ. ადგილობრივმა მოთამაშეებმა რთული გზა გამოიარეს, ნაყოფიერად იმუშავეს და ფიზიკურად თუ ტექნიკურად კარგ ფორმაში არიან. მიკრო-ტრავმების გამო მცირე შეფერხებები გვქონდა, თუმცა ახლა ყველაფერი წესრიგშია“.</p><p>„საფრანგეთში შეტევისა და დაცვის სქემებზე ვიმუშავებთ. სულ ხუთი ვარჯიში გვექნება და ამ პერიოდში უნდა ჩავატიოთ ყველაფერი ის, რასაც შოტლანდიას შევთავაზებთ. კარგია, რომ მოთამაშეთა ძირითადმა ბირთვმა რაგბი ევროპის ჩემპიონატზე ერთად ითამაშა. ახლა სქემების გახსენება მოგვიწევს და არა ყველაფრის თავიდან დაწყება“.</p><p><strong>დანაკლისი და დებიუტანტები</strong></p><p>წინასწარ გამოცხადებულ გაფართოებულ შემადგენლობაში ცვლილებებია: კითხვის ნიშნის ქვეშაა ბექა გიგაშვილის და ლევან ჩილაჩავას თამაში. მათი ბედი მომავალ კვირაში გაირკვევა; ჯანმრთელობასთან დაკავშირებული პრობლემები აქვს დავით გიგაურს და სავარაუდოდ, პირველ ორ თამაშს გამოტოვებს; შოტლანდიასთან და რუსეთთან მატჩისთვის არ მოემზადებიან მიხეილ ალანია და კოტე მიქაუტაძე. ამ ეტაპზე ისინი კლუბში დარჩებიან:</p><p>„გამოძახებული გვყავდა მიხეილ ალანია, რომელსაც ცოტა ხნის წინ ‘ორიაკში’ წარმატებული დებიუტი ჰქონდა. კლუბში ისეთი სიტუაციაა, „შემოდგომის ერთა თასამდე“ მას მინიმუმ ხუთი თამაშის ჩატარება მოუწევს და მასობრივი უთამაშებლობის ფონზე, ნაკრების ინტერესებიდან გამომდინარე, ამ ეტაპზე ასე ვამჯობინეთ“.</p><p><p><p>„კოტე მიქაუტაძემ აქილევსზე ურთულესი ოპერაცია გაიკეთა. ის რეაბილიტაციის ბოლო ეტაპს გადის და ვიცოდით, რომ პირველ ორ თამაშზე ვერ დაგვეხმარებოდა, თუმცა მისი რეაბილიტაციისთვის გუნდური ატმოსფეროა საჭირო. რადგან ის ‘ბაიონის’ მოთამაშე გახდა, ამის საჭიროება აღარაა. ვნახოთ როგორ ფიზიკურ ფორმაში იქნება და „შემოდგომის ერთა თასზე“ მის წაყვანასთან დაკავშირებით, გადაწყვეტილებას ამის შემდეგ მივიღებთ“ – ამბობს მაისაშვილი, რომელმაც გაფართოებულ შემადგენლობაში ორ დებიუტანტს, უმცრო ბორჯღალოსანს უხმო – ‘ლელო-სარასენსის’ 9 ნომერ გიორგი მარგალიტაძეს და ‘ბიარიცის’ ბურჯ ლუკა აზარიაშვილს:</p></p></p><p><p><p>„მარგალიტაძე მაისიდან ჩვენთან ვარჯიშობდა და კარგ ფიზიკურ და ტექნიკურ კონდიციაშია. მისი თამაშები 20-წლამდელთა ნაკრებიდან გვახსოვს და რადგან ალანიას გაფართოებულ შმადგენლობაში აღარ ვეძახდით, არჩევანი მარგალიტაძეზე შევაჩერე“.</p><p>„არჩევანის საშუალება გვქონდა პირველ ხაზში და საბოლოოდ აზარიაშვილზე შევჯერდით. მას ყაულაშვილისა და გიგაშვილის მსგავსად, ორივე პოზიციაზე შეუძლია თამაში, დისციპლინირებულია, კარგია როგორც შეტევაში, ასევე დაცვაში, ბურთის ამოღებაში და ‘ბიარიცში’ სათამაშო დროც აქვს. მას საფრანგეთში შეკრებაზე დავაკვირდებით. ვინ წავა შოტლანდიაში, ეს სწორედ საფრანგეთში გადაწყდება“.</p><p><strong>დებიუტანტების როლი</strong></p><p>აზარიაშვილისა და მარგალიტაძის გამოძახების შემდეგ, გუნდში პოტენციური დებიუტანტების რიცხვი 7-მდე გაიზარდა:</p><p>„შოტლანდიასთან და რუსეთთან თამაშს განვიხილავთ მოსამზადებელ ეტაპად. ამ თამაშებმა უნდა გვაჩვენოს სურათი, თუ რა ტიპის გუნდი გვეყოლება „შემოდგომის ერთა თასზე“. მაქსიმალურად ვეცდებით დავხვეწოთ დეტალები. აქ მნიშვნელოვანი იქნება დებიუტანტების როლი. სხვადასხვა მიზეზების გამო, შემადგენლობა მნიშვნელოვნადაა გადახალისებული. შესაძლოა, მეორე ხაზში დებიუტანტები არ იყვნენ, მაგრამ ისეთი მორაგბეები გვყავს, რომელთაც დიდი სანაკრებო გამოქცდილება არ აქვთ. საინტერესო იქნება ვნახოთ როგორ გაართმევენ ისინი ამოცანას თავს. ცვლილებები იქნება ხაზშიც, სადაც 13 წელი დავით კაჭარავა თამაშობდა, კაპიტანი (მერაბ შარიქაძე) კი ტრავმიდან ახლა გვიბრუნდება“.</p><p>ბორჯღალოსნები საფრანგეთიდან 21 ოქტომბერს შოტლანდიაში მიემგზავრებიან, სადაც 23 ოქტომბერს ედინბურგში, „მარიფილდზე“ შოტლანდიის ნაკრებს ეთამაშებიან. აღსანიშნავია, რომ შარშან ამ გუნდს მსოფლიო თასის წინ ორჯერ ვეთამაშეთ – თბილისში და ედინბურგში.</p><p>„შოტლანდიის ნაკრები სხვა ექვსი ერის გუნდებივით სტაბილური არაა, მაგრამ მუდამ გამოირჩევა ბრძოლისუნარიანობით და ლიდერებიც არაერთხელ გაუმწარებია. ისინი ჩვენთან უპირობო ფავორიტები არიან. ხანგრძლივი შესვენების შემდეგ, გუნდისთვის და ბევრი მორაგბისთვის ეს პირველი თამაშია და იქნება ტექნიკური წუნი, თუმცა ვეცდებით შეცდომები მინიმუმამდე დავიყვანოთ. შარშან ედინბურგში მეტოქეს უკეთ ვეთამაშეთ, ვიდრე მანამდე თბილისში და ვეცდებით წინა გამოცდილება გავითვალისწინოთ. მნიშვნელოვანი იქნება კონტაქტის მოგება, რათა სწრაფი და ეფექტური თამაში ვაჩვენოთ, თუმცა შოტლანდია ამ კომპონენტში ექვსი ერის ბევრ გუნდს უქმნის პრობლემას“.</p><p><strong>გაფართოებული რაზმი შოტლანდიასთან და რუსეთთან</strong></p><p><strong>შერკინება</strong></p><p>პირველი ხაზი: მიხეილ ნარიაშვილი (61 კეპი, 10 ქულა), გურამ გოგიჩაშვილი (14 კეპი, 5 ქულა), ლექსო ყაულაშვილი, შალვა მამუკაშვილი (74 კეპი, 50 ქულა), ჯაბა ბრეგვაძე (58 კეპი, 20 ქულა), გიორგი ჭყოიძე (11 კეპი, 5 ქულა), გიორგი მელიქიძე (19 კეპი, 5 ქულა), ლუკა აზარიაშვილი;</p><p>მეორე ხაზი: ნოდარ ჭეიშვილი (25 კეპი), გრიგორ ქერდიყოშვილი (2 კეპი, 5 ქულა), ლაშა ჯაიანი (2 კეპი), გიორგი ჯავახია (1 კეპი);</p><p>მესამე ხაზი: ბექა გორგაძე (27 კეპი, 40 ქულა), ბექა საღინაძე (12 კეპი, 5 ქულა), ოთარ გიორგაძე (25 კეპი, 25 ქულა), გიორგი თხილაიშვილი (57 კეპი, 60 ქულა), თორნიკე ჯალაღონია (1 კეპი), იოანე იაშაღაშვილი;</p><p><strong></p><p>ხაზი</strong></p><p>9: ვასილ ლობჟანიძე (51 კეპი, 40 ქულა), გელა აფრასიძე (25 კეპი, 24 ქულა), გიორგი მარგალიტაძე;</p><p>10: თედო აბჟანდაძე (15 კეპი, 102 ქულა), ლაშა ხმალაძე (83 კეპი, 53 ქულა);</p><p>12-13: მერაბ შარიქაძე (66 კეპი, 62 ქულა), გიორგი კვესელაძე (24 კეპი, 20 ქულა), თამაზ მჭედლიძე (57 კეპი, 35 ქულა), დემე თაფლაძე (2კეპი, 5 ქულა);</p><p>11-14: აკაკი ტაბუცაძე (2 კეპი, 25 ქულა), სანდრო თოდუა (85 კეპი, 70 ქულა), ზურაბ ძნელაძე (11 კეპი, 15 ქულა), სანდრო სვანიძე;</p><p>15: სოსო მათიაშვილი (27 კეპი, 152 ქულა), დავით ნინიაშვილი.</p></p></p><p><p><p><strong>rugby.ge</strong></p></p> <p><p><strong></p><p></strong></p></p> <p><p><strong> </strong> <p></p></p><br></p>
ნაცი
ჟვანია სადაა?
რაგბისტი
კარგია რომ ახალგაზრდებს იმატებს,მომწონს აზარაშვილი თამაში, მაგრამ ის მაინც ბიარიცის გუნდში გიორგი ნუცუბიძის შემცვლელად მოიაზრება. ამ ბოლო დროს მიეცა ძირითადში დაეწყო თამაში, მაგრამ ის გამოწვეულია იმით რომ გიორგი ნუცუბიძის აძლევენ დასვენების საშუალებას უფრო ძლიერ გუნდებთან შეხვედრისათვის. ჩემი აზრით ნუცუბიძეც უნდა გამოიძახოს.
"ბორჯღალოსნები" | თამაშის კვირა
ისტორიული დაპირისპირება: საქართველო ირლანდიის წინააღმდეგ მიხეილ მესხის სტადიონზე - ემოციები და მოლოდინები
"ბორჯღალოსნები" | ტრავმირებული მოთამაშეების შესახებ
"ბორჯღალოსნები" | თამაშის კვირა
კონტემ "ბაიერნის" ვარსკვლავის დამატება მოისურვა
18-წლამდელთა B ლიგის ჩემპიონი ვსა გახდა | ვერცხლი აჭარის ნაკრებს ერგო
დიოკერეში "სპორტინგის" ვარჯიშებზე დაბრუნებას არ აპირებს - კლუბის პრეზიდენტი აზრს არ იცვლის
"გავხდები თუ არა მწვრთნელი?" - რონალდომ სამომავლო გეგმებზე ისაუბრა
კეინის დუბლი - 1/4-ფინალში "ბაიერნი" პსჟ-ს დაუპირისპირდება [VIDEO]
გიორგი ლორია თბილისის "დინამოში" დაბრუნდა
[VIDEO] საქართველოს 20-წლამდელთა ნაკრები ირლანდიასთან დამარცხდა
[VIDEO] "კვარას" პსჟ-მ "ინტერ მაიამი" გაანადგურა და მეოთხედფინალში გავიდა
პირველი ტაიმის შემდეგ პსჟ "ინტერ მაიამის" 4:0 ამარცხებს
"ინტერ მაიამისთან" მატჩში პსჟ-ს სასტარტო შემადგენლობა ცნობილია
"ლიონი" მიქაუტაძეს ამ თანხაზე ნაკლებად ვერ შეელევა - გიორგის შეძენის სურვილი კიდევ სამმა კლუბმა გამოთქვა
"ცუდია, რომ ნიკო იქ მიდის, სადაც არ დააფასებენ, "ბარსელონა" შორს არის იმ ღირებულებებისგან, რომელსაც ოდესღაც წარმოადგენდა" - "ატლეტიკის" ყოფილი პრეზიდენტი
"მიყვარხართ, ჩემო ქართველებო, თქვენთვის მოვკვდები" - ლაშა ბექაურის ემოციური პოსტი
"შემდეგ მეტოქედ პიმბლეტი მსურს, ესპანეთში მისი დანოკაუტება მართლა ძალიან მინდა" - რა თქვა თოფურიამ გამარჯვების შემდეგ?
სოლიდური ციფრებია - ცნობილია, რა თანხა გამოიმუშავა თოფურიამ ოლივეირას დამარცხებით
"მაგ პატარა ბო*ს თავის ადგილს მივუჩენ" - პიმბლეტის ეს ვიდეო სოციალურ ქსელში ვირუსულად ვრცელდება [VIDEO]
"ვინ ჯანდაბამ უთხრა, რომ ოქტაგონზე ასულიყო? თოფურიას ცოლ-შვილიც იქ იმყოფებოდა" - UFC-ის პრეზიდენტი პიმბლეტის საქციელმა გააბრაზა
"ილიას გავთიშავ და ეს თავადაც იცის, ამიტომ გაექცა ჩემთან ბრძოლას" - არმან ცარუკიანი
კვარაცხელიას მესისთან დაპირისპირების დღე!
რაგბი ევროპა | პირველი თბილისური ფინალისთვის მზადება დაიწყო
მეჩვიდმეტე ტიტული - საქართველოს ნაკრებმა ფინალში ესპანეთს სძლია [VIDEO]
"ბორჯღალოსნები" | თამაშის კვირა
"ბორჯღალოსნებმა" რუმინეთი დიდი ანგარიშით დაამარცხეს და რაგბი ევროპის ჩემპიონატის ფინალში ითამაშებენ! [VIDEO]
რაგბი ევროპა | ქოქრილმა ფინალისთვის 23 შეარჩია
"ბორჯღალოსნები" | ექვსი ერის 24-გზის გამარჯვებული თბილისში! - ირლანდიასთან 5 ივლისს "მიხეილ მესხზე"