მაისაშვილი: თამაშით კმაყოფილი არ ვართ - სამხრეთ აფრიკასთან შეცდომები ნაკლები იქნება

AutoSharing Option
რაგბი ევროპის ჩემპიონატის დასკვნით ტურში ნიდერლანდების 48:15 დამარცხების შემდეგ კომენტარი "ბორჯღალოსნების" მწვრთნელმა ლევან მაისაშვილმა გააკეთა.

"თამაშის ხარისხით არც მწვრთნელები და არც მოთამაშეები კმაყოფილი არ ვართ. ამას აქვს ობიექტური მიზეზები. ბევრი ტექნიკური წუნი გვქონდა, განსაკუთრებით ბურთის მოპოვების ფაზაში. გარდა იმისა, რომ კოვიდ-პანდემიიდან გამომდინარე შეკრების პირველ კვირაში ცალკეულ ჯგუფებად მოგვიწია ვარჯიში და შეთამაშების მხრივ პრობლემები გვქონდა, იყო მეტოქის შეუფასებლობაც. თავიდანვე ვერ შევძელით ქულების მოპოვება, რამაც წნეხში მოგვაქცია და შეცდომებიც ამან გამოიწვია.

მეორე ტაიმში ოდნავ უკეთესი სურათი იყო, თუმცა შეუთამაშებლობა მაინც იგრძნობოდა. შედეგით
კმაყოფილები ვართ, თუმცა თამაშის ხარისხით არა. ეს შეიძლება კარგიც იყოს, რადგან ვემზადებით სამხრეთაფრიკული ტურნესთვის და გვაქვს დრო შეცდომების გასაანალიზებლად და გამოსასწორებლად. დარწმუნებული ვარ, სამხრეთ აფრიკასთან შეცდომები ნაკლები იქნება", - ციტირებს მაისაშვილს rugby.ge.

მკითხველის კომენტარები / 4 /
სუულ ამ შეცდომებზე მოშაობთ რაც თავი მახსოვს და ვერ გამოსწორდა, ვერა და ვერ! ვიმედოვ-ნოთ ეხლა მაიც რო გამოსწორდება და ხაზში ვითამეთებთ კარგად და ბურთი არ გაგვივარდება წინ და არ დავჯარიმდები სულ უაზროდ, ეს ერთერთი მათგანია და რაქში თამაშს.
თემო
01:16 30-06-2021
0
თქვენ რომ არ ხართ კმაყოფილი,გასაგებია,მაგრამ მოთამაშეები,არასერიოზულად მოეკიდნენ ამ თამაშს და აფრიკასთან მოსამზადებელი ეს მატჩი,ფაქტობრივად გაახალტურავეს.ექსპერიმენტები,კარგია,მაგრამ არც დაუსრულებლად შეიძლება და ისე გამოდის,რომ ყველასათვის ძალიან გაიოლდა ნაკრებში თამაში.ეს კი,საკუთარ თავზე მოთხოვნას უმცირებს ზოგიერთს.შორიდან ასე მოჩანს და ახლოდან ,მწვრთნელმა უფრო იცის.
სოსო
16:02 27-06-2021
0

სიახლეები პოპულარული