ქუთაისში მატჩის წინ სხვადასხვა საზეიმო ღონისძიებები ჩატარდა, „აია არენაზე“ კი თავიდანვე ლამაზი თამაში წავიდა და „ბორჯღალოსნები“ შესანიშნავი შეტევის შემდეგ ნინიაშვილის ლელოთი და აბჟანდაძის გარდასახვით დაწინაურდა. მეტოქემ სწრაფად გვიპასუხა რეალიზებული საჯარიმოთი. 22-ე წუთზე ნინიაშვილის გარღვევა აბჟანდაძემ დააგვირგვინა და მანვე გარდასახვა ზუსტად შეასრულა. მეტოქემ ისევ საჯარიმოთი შეამცირა ანგარიში. შემდეგ შორიდან საჯარიმო ვერ გამოიყენეს და პირველი ტაიმი 14:6 მოვიგეთ.
მეორე ტაიმის დასაწყისში მოწინააღმდეგე უპირატესობას დაეუფლა, ტემპს მოუმატა, შემოგვიტია და კვლავ საჯარიმოთი მოახერხა სხვაობის შემცირება. საპასუხო შეტევისას აბჟანდაძემ საჯარიმოთი ანგარიში გაზარდა. ამას არგენტინელთა 3 ლელო-გარდასახვა მოჰყვა და 13 ქულით გავიდა წინ. ბოლოს ჩვენმა გუნდმა ხანგრძლივი შეტევის შედეგად ლელო დადო, გარდასახვაც გამოიყენა, თუმცა მატჩის გადარჩენა ვერ მოახერხა.
იმედია, "ბორჯღალოსნები" ამ წაგებიდან საჭირო დასკვნებს გამოიტანენ და 10 ივლისს ბათუმში იტალიასთან პრინციპულ დაპირისპირებაში შეცდომებს აღარ დაუშვებენ.
"ბორჯღალოსნები" - შემადგენლობა ზაფხულის სერიის პირველი მატჩისთვის
!["ბორჯღალოსნების" 4 ლელო და კარგი მეორე ტაიმი - საქართველო ტესტ-მატჩში ავსტრალიასთან დამარცხდა [VIDEO]](/pictures/image7/631192a2ce41d22fd7bb5776f653c1d8.png "\"ბორჯღალოსნების\" 4 ლელო და კარგი მეორე ტაიმი - საქართველო ტესტ-მატჩში ავსტრალიასთან დამარცხდა [VIDEO]")
