"ბორჯღალოსნების" შემადგენლობა 2023 წლის მსოფლიო თასზე

"ბორჯღალოსნების" სამწვრთნელო შტაბმა ის 33 მორაგბე დაასახელა, რომლებიც 2023 წლის საფრანგეთის მსოფლიო თასისთვის მოემზადებიან.

შემადგენლობაში 19 მორკინალი და 14 ხაზის მოთამაშეა. მთავარი მწვრთნელი ლევან მაისაშვილი არჩევანთან დაკავშირებით ამბობს:

„თავიდანვე ვთქვი, რომ ეს იყო მოსამზადებელი და არა სასელექციო შეკრება, რის გამოც ძალიან ცოტა კითხვის ნიშანი გვქონდა. არჩევანი იყო გასაკეთებელი მესამე ხაზში. ასევე უნდა გადაგვეწყვიტა, 19 ფორვარდით და 14 ბექით წავიდოდით მსოფლიოზე თუ არჩევანს 18/15-ზე გავაკეთებდით. საბოლოოდ 19 ფორვარდი შევარჩიეთ, რადგან მესამე ხაზში ტრავმების გამო ლიმიტირებული მოთამაშეები გვყავს. ამ მორაგბეებს დიდი ხანია ვაკვირდებით, მათი შესაძლებლობები კარგად ვიცით და ვთვლი, რომ ამ ეტაპზე საუკეთესო 33 შეირჩა“.

რაზმში 15 მორაგბე "შავი ლომიდანაა", 18 კი ლეგიონერია. მოსამზადებელ ეტაპზე დაშავდა და საფრანგეთში ვერ ითამაშებს კვაჭი გიორგი ჭყოიძე.

შემადგენლობაში 15 ისეთი მოთამაშეა, რომელთაც მსოფლიო თასზე აქამდეც უთამაშიათ. ლაშა ხმალაძე და სანდრო თოდუა რაგბის უმაღლეს ფორუმზე მეოთხედ ითამაშებენ. თავის მესამე მსოფლიო თასზე მიემგზავრებიან მერაბ შარიქაძე, ვასილ ლობჟანიძე, მიხეილ ნარიაშვილი, შალვა მამუკაშვილი და კოტე მიქაუტაძე. მეორე მსოფლიო თასს ითამაშებენ მირიან მოდებაძე, გიორგი კვესელაძე, თედო აბჟანდაძე, გელა აფრასიძე, გურამ გოგიჩაშვილი, ბექა გიგაშვილი, ბექა გორგაძე და ბექა საღინაძე.

საფრანგეთში მარცხენა ბურჯები მიხეილ ნარიაშვილი, გურამ გოგიჩაშვილი და ნიკა აბულაძე იქნებიან, ხოლო მარჯვენა ბურჯებად ბექა გიგაშვილს, გურამ პაპიძეს და ლუკა ჯაფარიძეს ვიხილავთ. კვაჭის პოზიციაზე შემადგენლობაში შალვა მამუკაშვილი, ლუკა ნიორაძე და თენგიზ ზამთარაძე დარჩნენ. მეორე ხაზში კოტე მიქაუტაძე, ნოდარ ჭეიშვილი, ლაშა ჯაიანი და ლადო ჩაჩანიძე, ხოლო მესამე ხაზში ბექა საღინაძე, ბექა გორგაძე, გიორგი ცუცქირიძე, თორნიკე ჯალაღონია, მიხეილ გაჩეჩილაძე და ლუკა ივანიშვილი ითამაშებენ.

9-10 ნომერზე ვასილ ლობჟანიძეს, გელა აფრასიძეს, თენგიზ პერანიძეს, თედო აბჟანდაძეს და ლუკა მატკავას, ხაზში კი გუნდის კაპიტან მერაბ შარიქაძეს, თორნიკე კახოიძეს, დემურ თაფლაძეს, გიორგი კვესელაძეს, აკაკი ტაბუცაძეს, ალექსანდრე თოდუას, მირიან მოდებაძეს, დავით ნინიაშვილს და ლაშა ხმალაძეს ვიხილავთ.

მოსამზადებელ ეტაპზე "ბორჯღალოსნებმა" სამი გასახურებელი თამაში გამართა. თბილისში რუმინეთისა (56-6) და აშშ-ის (22-7) სარეკორდო სხვაობით დამარცხების შემდეგ „მარიფილდზე“ შოტლანდიას ტაიმი 6-0 მოვუგეთ, თუმცა საბოლოოდ მეტოქემ 33-6 გაიმარჯვა.

„ვთვლი, რომ ძალიან კარგი მოსამზადებელი პერიოდი გავიარეთ. ვისურვებდი, რომ 4 გასახურებელი თამაში გვქონოდა, ან ორი შეხვედრა ტიერ1-ის გუნდებთან, მაგრამ ეს ჩვენზე არაა დამოკიდებული. სამწუხაროდ, ტრავმების გამო რამდენიმე მოთამაშემ გასახურებელ მატჩებში მონაწილეობა ვერ მიიღო, თუმცა მთლიანობაში მაინც კმაყოფილი ვარ. 1-ელ სექტემბერს ერთობლივი ვარჯიში გვექნება ტონგასთან, რის შემდეგაც სრულად გადავერთვებით ავსტრალიისთვის მზადებაზე“ – აღნიშნა მაისაშვილმა და „მარიფილდზე“ გამართული ბოლო ტესტ-მატჩი შეაფასა: