<p>გასულ კვირაში საფრანგეთის ტოპ 14-სა და პრო დე2-ში სამი ქართული ლელო გავიდა. პირველ ელიტარულ დივიზიონში წლევანდელი სეზონის ანგარიში ბექა გიგაშვილმა გახსნა, მეორეში კი ლელოები გიორგი ჯავახიამ და ბექა შვანგირაძემ გახსნეს.</p><p>ზედიზედ მესამე მატჩია ბექა გიგაშვილი თამაშს "ტულონის" ძირითადში იწყებს. ამჯერად მან "კლერმონის" წინააღმდეგ 56 წუთი ითამაშა და 35-ე წუთზე თავისი გუნდის პირველი ლელო გაიტანა. მან რაქიდან შუტია და "ტულონი" 11:8 დააწინაურა. მისმა გუნდმა მეტოქე 30:29 დაამარცხა. სტუმართა შორის დებიუტი ჰქონდა 20 წლის ბურჯ გიორგი ძმანაშვილს. ის გასინბინებული თანაგუნდელის ნაცვლად მოედანზე პირველი ტაიმის მიწურულს გამოჩნდა და მოედანზე 8 წუთი გაატარა, 73-ე წუთზე კი სრულფასოვან შეცვლაზე შევიდა.</p><p>ქართველი 9 ნომრების დაპირისპირება შედგა "ბრივისა" და "მონპელიეს" შეხვედრაში. "ბრივის" შემადგენლობაში პირველიდან 63-ე წუთამდე ითამაშა ვასილ ლობჟანიძემ. სტუმართა რიგებში მოედანზე 52 წუთი გაატარა გელა აფრასიძემ. "მონპელიემ" თამაში 31:26 მოიგო. მასპინძელთა რიგებში შეცვლაზე შევიდა ვანო კარკაძე (48-ე წუთი) და 63-ეზე ყვითელი ბარათი მიიღო.</p><p>ბორდოში 12:33 დამარცხდა "კასტრი", რომლის რიგებში შეცვლაზე დასკვნითი 20 წუთი ითამაშა ლევან ჩილაჩავამ.</p><p>"რასინგ 92"-მა ‘ლიონი’ მიიღო და 32:19 დაამარცხა. გამარჯვებულთა რიგებში დასკვნითი 25 წუთი ითამაშა გია ხარაიშვილმა. სტუმართა სასტარტო შემადგენლობაში იყვნენ და შეუცვლელად გაისარჯნენ ბექა საღინაძე და დავით ნინიაშვილი.</p><p>"სტად ფრანსემ" "ბეიონს" დასკვნით 12 წუთში ორი ლელო გაუტანა, ჯამში 17 ქულა აიღო და 26:16 გაიმარჯვა. პარიზელთა რიგებში პირველიდან 52-ე წუთამდე ითამაშა გიორგი მელიქიძემ. სტუმართა ძირითადში იყო და პრაქტიკულად შეუცვლელად ითამაშა კოტე მიქაუტაძემ. მან პირველი ტაიმის ბოლოს ყვითელი ბარათი მიიღო.</p><p><p><p>"პომ" "ტულუზს" უმასპინძლა და 26:16 დაამარცხა. "პოს" კაპიტანმა ბექა გორგაძემ შეუცვლელად ითამაშა, გურამ პაპიძე კი ძირითად შემადგენლობაში იყო და მოედანზე 52 წუთი გაატარა.</p></p></p><p><p><p><strong>"ორიაკი" ქართველების ლელოებით იგებს</strong></p></p> <p><p></p><p>"ორიაკმა" სეზონის სტარტზე მესამე თამაში ქართველი ლეგიონერების ლელოებით მოიგო. მან პრო დე2-ის მეოთხე ტურში "მასის" ოთხის წილ 5 ლელო გაუტანა და 36:29 დაამარცხა. მასპინძელთა სასტარტო შემადგენლობაში ერთბაშად ოთხი ქართველი ლეგიონერი იყო და ორმა მათგანმა ლელო გაიტანა. მეორეხაზელი გიორგი ჯავახია 50-ე წუთზე ხელდახელ შეტევას მიყვა, ბურთი ფრთაზე მიიღო, დაახლოებით 15 მეტრი ირბინა, ბოლო მბოჭავი კონტაქტით ჩამოიცილა და ლელო მარჯვენა ალამთან გაიტანა. ამ დროს "ორიაკი" 22:17 დაწინაურდა.</p><p>67-ე წუთზე მასპინძლებმა მოლით შეუტიეს, ის ბექა შვანგირაძის ლელოთი დასრულდა და ანგარიში 34:22 გახდა. ჯავახიამ და შვანგირაძემ, ასევე ფრთა გიორგი გოგოლაძემ შეუცვლელად ითამაშეს, მოედანზე 58 წუთი გაატარა გიორგი ქართველიშვილმა, ხოლო მიხეილ ალანია თამაშში 65-ე წუთიდან ჩაერთო. "ორიაკს" ოთხი თამაშის შემდეგ 12 ქულა აქვს და მე-5 ადგილზეა.</p><p>ფრედ, 22:22 დასრულდა "ნევერისა" და "ბიარიცის" შეხვედრა. მასპინძელთა ძირითად შემადგენლობაში იყო და 61 წუთი ითამაშა ლაშა ჯაიანმა. სტუმართა შორის სასტარტოში ლუკა ჭელიძე ვიხილეთ და ის შესვენებისას ლაშა ტაბიძემ შეცვალა, თორნიკე ჯალაღონია კი თამაშში 51-ე წუთიდან ჩაერთო.</p><p>"კარკასონი" "ვანს" ეწვია და 21:34 დამარცხდა. სტუმართა ძირითადში იყო სოსო ბეკოშვილი და ის 53-ე წუთზე ვახტანგ ახობაძემ შეცვალა.</p><p>"ბეზიემ" "მონტობანს" უხვქულიან მატჩში 43:33 სძლია. მასპინძელთა შორის შეცვლაზე 56-ე წუთზე შევიდა გიორგი ახალაძე. სტუმართა ძირითადში იყო და 46 წუთი ითამაშა მირიან ბურდულმა.</p><p>"რუანი" 6:20 დაამარცხა, ბონუსიც აიღო და ჯამში 13 ქულით მეორე ადგილზეა "გრენობლი". გამარჯვებულთა რიგებში პორველიდან 53-ე წუთამდე ითამაშა ზურაბ ჟვანიამ.</p><p>სტუმრად "პროვანსთან" 15:35 დამარცხდა "ანგულემი", რომლის სასტარტო შემადგენლობაში იყო და მოედანზე 56 წუთი გაატარა ომარ ოდიშვილმა.</p><p>დაძაბულ მატჩში სტუმრად "აჟენთან" 22:21 იმარჯვა "კოლომიემ". მათ რიგებში პირველ ტაიმში ბექა შეყლაშვილი თამაშობდა.</p></p></p><p><p><p><strong>Rugby.ge</strong></p></p> <p><p><strong></p><p></strong></p></p> <p><p><strong> <p></strong></p></p><br></p>
ქართველები ევროტურნირების ფინალში
ბექა საღინაძის ლელოთი ჩელენჯ თასის ფინალში!
RugbyPass-ის ინტერვიუ დავით ნინიაშვილთან - "საქართველო 2027 წლის მსოფლიო თასზე მეოთხედფინალში გავა"
"იბერია 1999"-მა სლოვენიელი ნახევარმცველი დაიმატა
20 წ. | ცვლილებებით ახალ ზელანდიასთან
ევრო 2026 | საქართველოს ნაკრები პლეი-ოფში სლოვაკეთს დაუპირისპირდება
"ლივერპულმა" ჟოტას გარდაცვალების შესახებ ოფიციალური განცხადება გააკეთა
"მანჩესტერ სიტი" მზად არის "პორტოს" მეკარის სანაცვლოდ 75 მილიონი ევრო გადაიხადოს
"მეორე ადგილისთვის პრიზს არ აძლევენ" - გალასმა "არსენალი" გააკრიტიკა
"თოფურიას დამარცხება უფრო გამიმარტივდება, ვიდრე ოლივეირასთან"- არმან ცარუკიანი
"ნუ ელოდებით, რომ ახალი "კვარა" გახდება" - "ნაპოლის" ლეგენდა "პარტენოპეიში" ნოა ლანგის ტრანსფერს გამოეხმაურა
საქართველოს ბერძნულ-რომაული სტილით მოჭიდავე 20წლამდელთა ნაკრები ევროპის ჩემპიონია
განცხრომაშია. ოსიმენმა 407 750 დოლარად Rolls-Royce შეიძინა - ფეხბურთი აღარ ანაღვლებს?
ვერონმა ახსნა, რატომ გაუჭირდა მესის პსჟ-სთან თამაში
"დილა" საქართველოს სუპერთასის გამარჯვებულია
ნუ იქნება ოღონდ ბუნტი - რატომ მოხდა "ინტერის" ფეხბურთელებს შორის კონფლიქტი?
ქართველი თავდამსხმელი ესპანეთში დაბრუნებასთან ახლოსაა
კალანდაძე პლოცკის "ვისლას" ფეხბურთელი გახდა
ძმების დაპირისპირება არ შედგება - ჯობი VS ჯუდს საკლუბო მუნდიალზე ვერ ვნახავთ
"ლივერპულიდან" "ლევერკუზენში" - ქვანსა ბუნდესლიგაში გადაბარგდა
საქართველო მხოლოდ 5 ქვეყანას უსწრებს - UEFA-მ კლუბების შედეგების მიხედვით, ახალი რეიტინგი გამოაქვეყნა
გამოიკვეთა ორი გუნდი - მიქაუტაძისთვის ბრძოლა გადამწყვეტ ფაზაში შედის
მოლაპარაკება შედგა - დევიდი კარიერას "იუვენტუსში" განაგრძობს
კიდევ ორი ქართველი "ბარბაროსი" - გიგაშვილი და ნინიაშვილი
ქართველები ევროთასების ფინალში
ოთხი ქართული ლელო ჩელენჯ ქაფზე და საუკეთესო ნინიაშვილი
ლეგიონერები | ორი ლელო და სამნი სიმბოლურში
რაგბი. ლეგიონი: სამი ქართული ლელო ინგლისსა და საფრანგეთში [VIDEO]
ლეგიონერები: სამი ლელო და ორი სიმბოლურში
ლეგიონერები - გიგაშვილის ლელო სანაკრებო შეკრებამდე
ლეგიონერები | სამი ლელო ტოპ 14-ის მე-5 ტურში
ლეგიონერები - ქართული ლელოები "ორიაკისთვის"
გიორგი ჯავახია: ასეთი დონის გუნდების წინააღმდეგ არასდროს მითამაშია
პრო დე2: სათამაშო პრაქტიკა "შემოდგომის ერთა თასამდე