<p>პირველი პროფესიული ქართული ფრანჩაიზი "შავი ლომი" რაგბი ევროპის სუპერთასის ჯგუფური ეტაპის სამ-სამ შეხვედრას ოქტომბერსა და დეკემბერში გამართავს.</p><p>რაგბი ევროპის მიერ ორგანიზებული, ახლად გამომცხვარი საკლუბო ტურნირი სექტემბერში იწყება. "შავ ლომს" პირველი ორი თამაში ისრაელის "თელავივ ჰითთან" შინ და გარეთ სწორედ სექტემბერში უნდა გაემართა, თუმცა კოვიდპანდემიამ და მისგან გამოწვეულმა შეზღუდვებმა გეგმები შეცვალა.</p><p>„ადრეც აღვნიშნეთ, რომ წესებს გლობალური პანდემია გვკარნახობს და ამ შემთხვევაშიც, იმის გამო, რომ საქართველო ისრაელისთვის წითელ ზონაშია, სექტემბერში თამაშების გამართვა ვერ ხერხდება. ამ ფაქტს დადებითი კუთხით თუ შევხედავთ, მოსამზადებლად უფრო მეტი დრო გვაქვს. გუნდი ახალი შექმნილია და შეთამაშებას დრო სჭირდება. ვეცდებით, რომ ადგილობრივ გუნდებთან სპარინგთამაშები გავმართოთ, რადგან პანდემიის გამო საერთაშორისო შეხვედრების ორგანიზება ვერ ხერხდება“ – განაცხადა რაგბის კავშირის ვიცე-პრეზიდენტმა ბაჩო ხურციძემ.</p><p>შეგახსენებთ, სუპერთასის პირველ გათამაშებაში 8 გუნდი მიიღებს მონაწილეობას, რომლებიც ჯგუფურ ეტაპზე აღმოსავლეთ და დასავლეთ კონფერენციებში არიან გაწევრიანებული. ჯგუფური ეტაპის შეხვედრები შინ და გარეთ, ექვს ტურად იმართება, რის შემდეგაც თითოეული ჯგუფის ორ-ორი მოწინავე ნახევარფინალში გადის. ნახევარფინალური ეტაპი აპრილშია ჩანიშნული, იქ გამარჯვებული გუნდები კი თასისათვის მაისში იბრძოლებენ.</p><p>აღმოსავლეთ კონფერენციის პირველ შეხვედრაში "ენისეი" რუსულ დერბიში "ლოკომოტივ პენზას" 19 სექტემბერს ეთამაშება, "შავი ლომი" კი "თელავივ ჰითს" ერთი თვის შემდეგ, 16 ოქტომბერს მიიღებს.</p><p>დასავლეთ დივიზიონის პირველი ტურის თამაშები 18 სექტემბერსაა ჩანიშნული და "დელტა" ნიდერლანდებში "ბრიუსელს დევილზს" (ბელგია) უმასპინძლებს, ხოლო "ლუსიტანოსი" პორტუგალიაში ესპანურ "იბერიანზს" მიიღებს.</p><p>"შავი ლომი" 16 ოქტომბრის შემდეგ რუსეთში გაემგზავრება და მესამე ტურში, 23 ოქტომბერს "ლოკომოტივ პენზას", ხოლო მეოთხე ტურში, 30 ოქტომბერს "ენისეის" ეთამაშება.</p><p>ქართული ფრანჩაიზი "ლოკომოტივთან" საპასუხო მატჩს შინ, 4 დეკემბერს, ხოლო "ენისეისთან" 11 დეკემბერს გამართავს. ჯგუფური ეტაპის დასკვნით, მეორე რაუნდიდან გადადებულ შეხვედრაში, "შავი ლომი" "ჰითს" თელ-ავივში 18 დეკემბერს ეთამაშება.</p><p>„რაგბი ევროპისა და მისი მონაწილე ქვეყნებისთვის სუპერთასი გარდამტეხი ტურნირია. მოუთმენლად ველით მის დაწყებას და გვსურდა, პირველი თამაშები რაც შეიძლება მალე გვქონოდა. გულდასაწყვეტია, რომ ჩვენთვის ამ თარიღმა გადაიწია, თუმცა, მთლიანობაში, კალენდარი მისაღებია“ – დაამატა ხურციძემ.</p><p><strong>რაგბი ევროპის სუპერთასი 2021/22</strong></p><p><strong>I ტური</strong></p><p>დ.კ. დელტა (ნიდერლანდები) – ბრიუსელს დევილზი (ბელგია) (18 სექტემბერი)</p><p>დ.კ. ლუსიტანოსი XV (პორტუგალია) – იბერიანზი (ესპანეთი) (18 სექტემბერი)</p><p>ა.კ. ენისეი-სტმ (რუსეთი) – ლოკომოტივი პენზა (რუსეთი) (19 სექტემბერი)</p><p>ა.კ. შავი ლომი (საქართველო) – თელავივ ჰითი (ისრაელი) (16 ოქტომბერი)</p><p><strong>II ტური</strong></p><p>ა.კ. ლოკომოტივი პენზა (რუსეთი) – ენისეი-სტმ (რუსეთი) (25 სექტემბერი)</p><p>დ.კ. ბრიუსელს დევილზი (ბელგია) – დელტა (ნიდერლანდები) (25 სექტემბერი)</p><p>დ.კ. იბერიანზი (ესპანეთი) – ლუსიტანოსი XV (პორტუგალია ) (26 სექტემბერი)</p><p>ა.კ. თელავივ ჰითი (ისრაელი) – შავი ლომი (საქართველო) (18 დეკემბერი)</p><p><strong>III ტური</strong></p><p>ა.კ. ენისეი-სტმ (რუსეთი) – თელავივ ჰითი (ისრაელი) (23 ოქტომბერი)</p><p>დ.კ. დელტა (ნიდერლანდები) – ლუსიტანოსი XV (პორტუგალია ) (23 ოქტომბერი)</p><p>ა.კ. ლოკომოტივი პენზა (რუსეთი) – შავი ლომი (საქართველო) (23 ოქტომბერი)</p><p>დ.კ. ბრიუსელს დევილზი (ბელგია) – იბერიანზი (ესპანეთი) (24 ოქტომბერი)</p><p><strong>IV ტური</strong></p><p>ა.კ. ენისეი-სტმ (რუსეთი) – შავი ლომი (საქართველო) (30 ოქტომბერი)</p><p>დ.კ. ბრიუსელს დევილზი (ბელგია) – ლუსიტანოსი XV (პორტუგალია ) (30 ოქტომბერი)</p><p>დ.კ. დელტა (ნიდერლანდები) – იბერიანზი (ესპანეთი) (30 ოქტომბერი)</p><p>ა.კ. ლოკომოტივი პენზა (რუსეთი) – თელავივ ჰითი (ისრაელი) (31 ოქტომბერი)</p><p><strong>V ტური</strong></p><p>ა.კ. შავი ლომი (საქართველო) – ლოკომოტივი პენზა (რუსეთი) (4 დეკემბერი)</p><p>დ.კ. ლუსიტანოსი XV (პორტუგალია) – ბრიუსელს დევილზი (ბელგია) (4 დეკემბერი)</p><p>ა.კ. თელავივ ჰითი (ისრაელი) – ენისეი-სტმ (რუსეთი) (4 დეკემბერი)</p><p>დ.კ. იბერიანზი (ესპანეთი) – დელტა (ნიდერლანდები) (5 დეკემბერი)</p><p><strong>VI ტური</strong></p><p>დ.კ. იბერიანზი (ესპანეთი) – ბრიუსელს დევილზი (ბელგია) (11 დეკემბერი)</p><p>ა.კ. შავი ლომი (საქართველო) – ენისეი-სტმ (რუსეთი) (11 დეკემბერი)</p><p>დ.კ. ლუსიტანოსი XV (პორტუგალია) – დელტა (ნიდერლანდები) (11 დეკემბერი)</p><p><p><p>ა.კ. თელავივ ჰითი (ისრაელი) – ლოკომოტივი პენზა (რუსეთი) (11 დეკემბერი)</p></p></p><p><p><p><strong>rugby.ge</strong></p></p></p><p><p><p> <p></p></p><br></p>
"შავი ლომი" | "მონპელიე" და "ძებრე" თბილისში, "ქონახთი" და "მონტობანი" სტუმრად
თბილისის ბულვარი“ საქართველოს რაგბის კავშირის ოფიციალური პარტნიორი - ინვესტიცია ქართული რაგბის მომავალში
"შავი ლომი" | პირველ ჯგუფში ჩელენჯ თასზე
"შავი ლომი" | "მონპელიე" და "ძებრე" თბილისში, "ქონახთი" და "მონტობანი" სტუმრად
ჯორდან ჰენდერსონი პრემიერ ლიგას დაუბრუნდა
ვინისიუსი “რეალს” ახალ კონტრაქტზე ვერ უთანხმდება
ვესლი სნეიდერის შვილმა პირველი პროფესიონალური კონტრაქტი გააფორმა
ოფიციალურად - მოდრიჩი "მილანის" ფეხბურთელი გახდა
"კეთილი იყოს თქვენი მობრძანება" - პორტუგალიური კლუბი ლომინაძეს ქართულად მიესალმა
ლუის ენრიკე: რთულ მომენტებში ცხადი ხდება, ვინაა შენს გვერდით და ვინ - არა
Ballon d'Or 2025. რეიტინგი განახლდა - კვარაცხელია პრეტენდენტთა შორისაა
ხვიჩას თანაგუნდელს პსჟ-ს დატოვება უნდა
U20. საქართველოს ნაკრებმა ესპანეთს სძლია და მეცხრე ადგილისთვის ფინალში ითამაშებს
ტრამპი "ჩელსის" დიდი ფანია - ჯეიმსმა მას თასის აღმართვის ნებართვა სთხოვა
ნევეში და ლუის ენრიკე შეიძლება დასაჯონ
"ფეხბურთი საუდის არაბეთთან დავთმეთ" - ბლატერი ფიფას აკრიტიკებს
"წელს დემბელეს, გაისად კი - იამალს" - ბარსელონას ყოფილი ფეხბურთელის განცხადება
"რეალმა" როდრიგოს სატრანსფერო ფასი დაასახელა
როგორ მიიღება კვარაცხელიას საუკეთესო ვერსია - პსჟს წაგების მიზეზები
თავისი მაინც გაიტანა - დიოკერეში უახლოეს საათებში "არსენალის" ფეხბურთელი გახდება
"მაშინ ჩემთვის რომ დაერტყა, ცოცხალი აღარ ვიქნებოდი" - სერ ალექს ფერგიუსონმა საინტერესო ისტორია გაიხსენა
"მისი საქციელი ამაზრზენია" - იამალი სერიოზულ სკანდალში გაეხვია
"ფინალები მიყვარს და ეს კვლავ დამტკიცდა" - პალმერი მატჩის შემდეგ
ჩელენჯ თასი | ორ-ორი ცვლილებით ედინბურგში
„შავი ლომის“ ბრიტანული ტურნე: მატჩები შოტლანდიაში და შემადგენლობაში ცვლილებები
"შავი ლომი" | პირველ ჯგუფში ჩელენჯ თასზე
"შავი ლომი" | "მონპელიე" და "ძებრე" თბილისში, "ქონახთი" და "მონტობანი" სტუმრად
"შავი ლომი" | ზედიზედ მეორედ ბრიტანეთში
"შავი ლომი" შოტლანდიაში "ედინბურგთან" დამარცხდა