უელსთან საქართველოს ისტორიული გამარჯვების კვალად, საქართველოს რაგბის კავშირის პრეზიდენტი სოსო ტყემალაძე და მისი მრჩეველი ნიკა ალავიძე მაღალი დონის შეხვედრებზე ინგლისში მიიწვიეს. მსოფლიო რაგბის პრეზიდენტმა ბილ ბომონტმა, ინგლისის რაგბის კავშირის პრეზიდენტმა ბილ სვინმა, ასევე "6 ერის" ტურნირის მფლობელებმა, ბენ მორელმა და ჯული პეტერსონმა, ერთხმად აღნიშნეს, რომ ბოლო 2 წელიწადში ქართული რაგბი რეკორდულად გაიზარდა და არნახულ შედეგებს აჩვენებს, შესაბამისად, განსაკუთრებულ ყურადღებას და მოპყრობას იმსახურებს.ბილ ბომონტთან შეხვედრისას გაგრძელდა თბილისში მისი ვიზიტისას დაწყებული საუბარი საქართველოსთვის დაფინანსების გაზრდაზე; მისი თქმით, უელსთან საქართველოს გამარჯვებით ახალი
ფურცელი დაიწერა არა მხოლოდ ქართული, არამედ მსოფლიო რაგბის ისტორიაშიც, რაც მისი აზრით, საქართველოს რაგბის კავშირის ბოლოდროინდელი სწორი და ეფექტური მუშაობის შედეგია.
"6 ერის" ტურნირის მესვეურებმა ინიციატივა წამოაყენეს, რომ "6 ერის" 18-წლამდელთა ფესტივალი საქართველოში ჩატარდეს, მათ შორის ქართველი ჭაბუკების მონაწილეობით, ხოლო დიდი "6 ერის" ტურნირის საოპერაციო ნაწილში მარკეტინგისა და სატელევიზიო ტრანსლირების ქართველი მენეჯერები ჩაერთონ სათანადო გამოცდილების მისაღებად. საქართველოს რაგბის კავშირის პრეზიდენტმა განაცხადა, რომ საქართველო შეძლებს უელსთან გამარჯვების სხვა მატჩებითაც განმტკიცებას და ასევე კომერციალიზაციის კუთხითაც სათანადო განვითარების დემონსტრირებას. ბენ მორელმა და ჯული პეტერსონმა მაღალი შეფასება მისცეს ქართველ მორაგბეთა თამაშს როგორც უელსის, ასევე იტალიის ნაკრებებთან შეხვედრისას და მზადყოფნა გამოთქვეს, დაეხმარონ ქართულ რაგბის შემდგომ განვითარებაში.
ინგლისის რაგბის კავშირის პრეზიდენტმა ბილ სვინმა განაცხადა, რომ სამონარქო ტრადიციების მქონე ინგლისსა და საქართველოს შორის მეტი თანამშრომლობაა საჭირო; გადაწყდა, რომ ორი ქვეყნის სარაგბო ადმინისტრაციები მოკლე დროში ოფიციალურ ვიზიტებს გაცვლიან, ხოლო ინგლისის ბაზარი ქართველი მორაგბეებისთვის ფართოდ გაიხსნება, უფრო მეტადაც კი, ვიდრე ამჟამად ფრანგული სარაგბო ბაზარია მათთვის გახსნილი. საქართველოს რაგბის კავშირის პრეზიდენტის, სოსო ტყემალაძის თქმით, ინგლისისა და უელსის სარაგბო ადმინისტრაციებს უდიდესი გავლენა აქვთ როგორც მსოფლიო რაგბის, ასევე "6 ერის" გადაწყვეტილებებზე. შესაბამისად, მათგან შეთავაზებული თანამშრომლობა სტრატეგიულად ძალიან მნიშვნელოვანია საქართველოსთვის.
Rugby.ge
მესამე ტაიმი და სოსო ტყემალაძის სიურპრიზი ქომაგებს
!["ვუთხარი, ეს არ არის სპორტული საქციელი-მეთქი, საკმაოდ ცუდად მოიქცა..." - სოსო ტყემალაძე ჰყვება, რა პირობა არ შეასრულა იტალიელთა პრეზიდენტმა [VIDEO]](/pictures/image7/31eb9527f27d613ff658a4f8c1aa0c60.jpeg "\"ვუთხარი, ეს არ არის სპორტული საქციელი-მეთქი, საკმაოდ ცუდად მოიქცა...\" - სოსო ტყემალაძე ჰყვება, რა პირობა არ შეასრულა იტალიელთა პრეზიდენტმა [VIDEO]")
პარალელურად ფრანჩაიზი მინიმუმ ჩელენჯკაპის დონის ტურნირზე და 4-5 წლის მერე ექვსი ერის ტურნირის რეფორმირებაც დღის წესრიგში თავისთავად დადგება.
ზოგადად სპორტის ნებისმიერი სახეობის განვითარებისთვის ჯანსაღი კონკურენტული სტრუქტურა აუცილებელია. ზედა - ქვედა ეშელონებს შორის სისტემური კავშირი მთლიანად რაგბის განვითარებას შეუწყობს ხელს. სწორედ რაგბის განვითარების ხელშეყობის გამო ხვდებიან გაცილებით სუსტ გუნდებს "ბობოლები" და ამ მოტივით შესაძლებელია დავალდებულდეს ექვსი ერის ბოლო ადგილოსნები (ორი გუნდი) შეთავაზებულ თბილისის ოთხთა ტურნირში მონაწილეობაზე. მით უფრო რომ ექვსი ერიდან გავარდნაზე არ იქნება საუბარი. თან ეს ჩვენს გარდა კიდევ ერთ ევროპულ გუნდს შეეხება, რაც ლობირებისთვის მეტ მხარდამჭერს ნიშნავს.
ასევე იოსებ! ნუ ებრძვი საამაყო, ეროვნულ სიმბოლოებს ნაკრების კვართზე და მის ფერში!
და კიდევ -Russia delenda est!