7-კაცამ დუბაის საერთაშორისო ღია ტურნირი მოიგო

AutoSharing Option
საქართველოს 7-კაცამ დუბაის საერთაშორისო ღია ტურნირის ფინალში "ვაილდ დოგს რაგბი" 22:21 დაამარცხა და თასის მფლობელი გახდა.

სასიხარულოა, რომ "ბორჯღალოსნების" წარმატებების ფონზე 7-კაცაც ვითარდება და მსოფლიო სერიის შესარჩევი ტურნირის ფინალში გასვლის შემდეგ, დუბაიში პირველობა არავის დაუთმო.

დუბაის საერთაშორისო ღია ტურნირი მსოფლიო სერიის ეტაპის პარალელურად იმართება და მასში წამყვანი სარაგბო ქვეყნების 7-კაცა კლუბები, წვეული გუნდები და ნაკრებები თამაშობენ.

ჯგუფურ ეტაპზე ჩვენმა 7-კაცამ "ჩრდილო-დასავლელ ბარბაროსებს" 31:0, ხოლო "მავრიკს" 31:19 მოუგო, მესამე თამაში კი სამხრეთ აფრიკის "ოლ სთართან"
დათმო. დასკვნითი დღე ფლეი ოფებს დაეთმო და საქართველომ მეოთხედფინალში "ვაივერნ ჰარლიქვინზი" 15:5 დაამარცხა, ნახევარფინალში "რაინოს რაგბის" 19:17 სძლია, ხოლო ფინალში "ვაილდ დოგს რაგბის" 22:21 სძლია.

დღეს დილით თასის მეოთხედფინალში ითამაშა ჩვენმა 7-ქალამ, "რაინოს რაგბისთან" ვერაფერს გახდა (5:36) და ტურნირს გამოეთიშა. დუბაიში ჩვენმა გოგონებმა ჯგუფურ ეტაპზე ორი თამაში მოიგეს და ერთი დათმეს.

7-კაცა დუბაიში

სერგი ჩხაიძე, ნიკოლოზ რეხვიაშვილი, გიორგი კოშაძე, ლევან ნარიმანიძე, ირაკლი სიმსივე, ცოტნე კვესელავა, გიორგი ჭუაძე, გიორგი ჯობავა, ზაურ ლუტიძე, ზურა ნინიძე, გიორგი ნავროზაშვილი, ლევან ქუშაშვილი.

მწვრთნელები: გია ლაბაძე, ბესიკ ხამაშურიძე

7-ქალა დუბაიში

სალომე საღარაძე, სალომე მაკასარაშვილი, ნათია გავაშელი, თეონა ჩიტაიშვილი, ირმა გულიაშვილი, თამარი მანაგაძე, მარიამ გოგუაძე, მანონი საღარაძე, ლიკა ხუფენია, ნინო წიკლაური, ანი კაპანაძე, ანა დათიაშვილი.

მთავარი მწვრთნელი: ჯაბა მალაღურაძე

Rugby.ge

მკითხველის კომენტარები / 1 /
თუ შევძელით და ჩვენი გუნდები,სტაბილური შემადგენლობით და სტაბილურად ვითამაშეთ ტურნირებზე,მორაგბეთა კლასი,ძალიან სწრაფად გაიზრდება.დარწმუნებული ვარ.
სოსო
14:38 05-12-2022
0

სიახლეები პოპულარული